muslim.uz

muslim.uz

Пятница, 15 Февраль 2019 00:00

Ислом – меҳр-оқибат дини

Динимиз ўзаро меҳр-оқибат устига қурилган. Аллоҳ таоло Қуръони каримда:

وَتَعَاوَنُوا عَلَى الْبِرِّ وَالتَّقْوَىٰ ۖ وَلَا تَعَاوَنُوا عَلَى الْإِثْمِ وَالْعُدْوَانِ

Яхшилик ва тақво йўлида ҳамкорлик қилинг”(Моида 2), деб марҳамат қилган.

Динимиз инсонларга кўмаклашишни ва уларнинг оғирини енгил қилишни тоат-ибодат даражасига кўтарди. Хусусан, Абу Ҳурайра розияллоҳу анҳудан ривоят қилинган ҳадиси шарифда Пайғамбаримиз соллаллоҳу алайҳи ва саллам:

والله في عون العبد ما كان العبد في عون أخيه

Агар банда биродарига кўмаклашадиган бўлса, Аллоҳ таоло унга ўзи кўмакчи бўлади”, деганлар (Имом Муслим).

Динимизнинг бу кўрсатмаси риоясини ўтмишда ўтган салафларимиз ўзларининг ҳаётларига татбиқ қилганлар. Абу Бакр розияллоҳу анҳу халифа бўлишларидан аввал ёрдамга муҳтожларнинг хизматларида қоим бўлар, қаровсиз қолган кишиларнинг уй юмушлари қарашиш, қўйларини соғиб бериш, таомларини тайёрлаб беришга одатланган эдилар. Халифа этиб тайинланганларидан кейин ўша кўмакка муҳтожлардан бири ташвишга тушиб ”Абу Бакр Сиддиқ халифа бўлдилар, энди бизга ёрдам беришга вақт ажратолмайдилар”, деб хаёл қилган эди. Эртаси куни тонг чоғида эшиги тақиллаб қолди. Ҳалиги кишининг қизчаси бор эди. Қизчасига: “Бориб қара, эшикни ким тақиллатяпти”, деди. Қизи эшикни очиб қараса, қаршисида халифа турар эдилар. Қизи хурсанд бўлиб кетиб: “Қўйларимизни соғиб берадган киши келибди, деб бақириб юборди. Халифа келибди эмас, балки қўйларимизни соғиб берадиган гўё хизматчимиз келибди деб хурсанд бўлиб кетган эди. Абу Бакр розияллоҳу анҳу ўша хизматларини халифа бўлганларидан кейин хам давом эттирдилар.

Ҳасан Басрий раҳматуллоҳу алайҳ шогирдларидан бир гуруҳини бошқа шаҳарда яшайдиган бир кишини ҳожатини раво қилиш учун жўнатмоқчи бўлдилар ва “Собит Баноийни ўзингиз билан бирга олинглар, у ана шу ишда сизларга ёрдамчи бўлсин” дедилар.

Баноийнинг ҳузурига борсалар у масжидда эътикофда ўтирган экан. Ҳасан Басрийнинг амрини у кишига етказганларида у: “Бориб айтинг, мен эътикофда ўтирибман, бу хизматни қила олмайман”, деди. Бу хабарни Ҳасан Басрийга етказганларида: “Бориб унга айтинг, билсинки, бир биродарининг ҳожатини чиқариш учун босилган қадамнинг савоби нафл ҳажнинг савобидан ҳам кўра афзалдир”, дедилар.

Ибн Умар шу хусусда: “Бир мўминнинг ҳожатини чиқаришим мен учун Масжидул Ҳаромда эътикоф ўтириб, бир ой рўза тутишдан маҳбубдир”, деган эканлар.

Биз ҳам ён-атрофимизга назар солайлик, бизнинг ёрдамимизга, меҳр-муруватимизга муҳтож инсонлар бордир. Ғафлатда қолмайлик, ушбу ажрлардан баҳраманд бўлишга ҳаракат қилайлик. Хусусан, бугунги кунда юртбошимиз раҳбарлигида олиб борилаётган ислоҳотлар ҳам ижтимоий тарафдан ҳимояланмаган  кишиларга, кам таъминланган оилаларга моддий-маънавий қўллаб-қувватлашга қаратилганини кўришимиз мумкин. Мисол ўрнида “Вақф” хайрия жамғармаси ана шундай хайрли ишлар билан шуғулланиб, кўплаб инсонларнинг хонадонларига хурсандчилик олиб кираётганини айтиш мумкин.

Аллоҳ таоло барчамизни ана шундай хайрли ишларда бардавом айласин.

Муллабоев А.Қ

Мунавварқори жоме масжиди имом-хатиби

Татаристон Республикаси мусулмонлари идорасининг Ҳаж ишлари бўйича директор ўринбосари Илдус Собитов Нижнекамскка ташриф буюриб, мусулмонларга Маккага сафар қилиш тафсилотларини сўзлаб берди, дея хабар бермоқда Нижнекамск вилояти матбуот хизмати.

Илдус Собитов айтишича ҳаж сафари ёз фаслига тўғри келади, унгача ҳали ярим йил бор. Лекин мусулмонлар шу йил ҳажга бориш учун ҳозирдан қарор қабул қилишлари керак.

«Бу улуғ амални тўғри бажариш учун илм олиш жуда муҳим» деган у.

Ўтган йили Татаристон Республикаси мусулмонлар идорасидан 1700 киши ҳаж сафарига юборилган.

Ҳар йили Маккага Нижнекамскдан юздан ортиқ одам ташриф буюради. Мусулмонлар идораси жорий йилда ҳам муқаддас сафарга шунча кишини жўнатишни ният қилган.

Ўзбекистон мусулмонлари идораси Матбуот хизмати

Бирлашган Араб Амирликлари давлатида 20-миллий Қуръон мусобақаси 15 кишидан иборат иштирокчиларнинг ўзаро рақобати билан бошланди. Бу ҳақда el-Beyan газетаси хабар тарқатди.

Ушбу мусобақа Халқаро Дубай мукофоти Қуръони карим институти ташаббуси билан Дубай ҳокими Шайх Муҳаммад ибн Рашид Мактум ва БАА давлати раҳбари ўринбосари ҳомийлигида ўтказилмоқда.

Мусобақада саккиз нафар аёл ва етти нафар эркак қатнашади. Эркаклар мусобақаси Халқаро Дубай мукофоти Қуръони карим институти марказида, аёлларники эса Дубай ал-Наҳза аёллар уюшмаси марказида бўлиб ўтмоқда. Натижалар тез кунда маълум бўлади.

Ўзбекистон мусулмонлари идораси Матбуот хизмати

2019 йилда «Ислом раҳмат ва тинчлик хабарчиси» номли халқаро конференция Чеченистон Мусулмонлари идораси ташаббуси билан ташкил этилмоқда. Бу ҳақда el-Ahram нашри хабар берди.

Анжуман жорий йилнинг 28-30 март кунлари Россия Федерациясининг икки шаҳри – Москва ва Грознийда бўлиб ўтади. Халқаро анжуман Россия Президенти Владимир Путиннинг ҳомийлигида ва Жаҳон мусулмонлар лигаси, Россия Президенти ҳузуридаги Маданият, исломий билимлар ва таълимни ҳимоя қилиш жамғармаси, Москвадаги Россия шарқшунослик институти, Чеченистондаги «Аҳмад Ҳожи Қодиров» жамғармаси ҳамкорлигида ўтказилади.

Хабарда айтилишича, дунёдаги барча мамлакатларга таклифномалар юборилган бўлиб, конференцияда қатнашишни хоҳловчилар ўз юртларидаги диний бошқармаларга мурожаат этишлари мумкин.

Анжуманда “Исломда бирдамлик тамойиллари”, “Мусулмонлар ва тинчлик жамияти” “Терроризм ва экстремизим”, “Ислом ва цивилизациянинг ўзаро таъсири” ва бошқа муҳим мавзуларда маърузалар қилинади.

Ўзбекистон мусулмонлари идораси Матбуот хизмати

Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган. 

*****

Агар муваффақиятсиз бўлишни истасанг, ҳамма инсонларни рози қилишга урин!

“Тарих муҳрлаган сўзлар”

*****

Ҳамма билан камтарлик ила муомала қилавер. Чунки инсон табиати мағрур ва ўзини катта олувчиларни ёқтирмайди.

“Тарих муҳрлаган сўзлар”

*****

Камситилган, ранжиган халқнинг ахлоқи ёмонлашади.

Ибн Халдун раҳимаҳуллоҳ

*****

Йўқлигингда сени ҳимоя қиладиган нарсаларнинг афзали – хулқларингдир.

“Тарих муҳрлаган сўзлар”

*****

Шундай шахслар борки, сендан оладиган фойдалари тугаса, хабарлари ҳам, дўстликлари ҳам тугайди.

“Фикр дурдоналари”

*****

Икки нарса сенинг ҳақиқатингни белгилайди:

  • Ҳеч нарсага эга бўлмаган пайтингдаги сабринг;
  • Ҳамма нарсага эга бўлган пайтингдаги тасарруфинг.

“Фикр дурдоналари”

*****

Бола отасидан сўрабди: “Отажон, “эркак” нима дегани?” “Эркак дегани кучли, фарзандлари олдидаги масъулиятни ҳис қиладиган, уларнинг ишларига эътибор берадиган ҳамда уларнинг роҳатда яшаши учун ўзи бедор бўладиган инсондир” деб жавоб берибди отаси. Шунда болакай: “У ҳолда мен ҳам онамга ўхшаган “эркак” бўлишни орзу қиламан” дебди.  

“Фикр дурдоналари”

*****

Икки киши сенинг ҳар бир ишларингга кўпроқ эътибор беришади:

  • Сени қаттиқ севадиган;
  • Сенга қаттиқ ҳасад қиладиган.

“Фикр дурдоналари”

*****

Қувват – оғриқларингни оёғинг остига ташлаб, сенинг йиқилишингни пойлаб турганлар олдидан табассум билан ўтиб кетишингдир.

“Фикр дурдоналари”

*****

 

 

Интернет материалларидан тўплаб, таржима қилувчи

Нозимжон Иминжонов

 

 

Страница 2 из 1072
Top