muslim.uz

muslim.uz

Азиз Қуръон мухлислари галдаги қорилар мусобақаси Ер юзининг сайқали бўлмиш Самарқандга кўчмоқда. Бу шаҳар халқимиз довруғини бутун дунёга таратган, азиз авлиёлар қўним топган табаррук маскандир. Аждодларимиз бир неча йиллар муқаддам имон-эътиқоднинг бақувват пойдеворини худди шу заминда мустаҳкамлашган.
Эрта, 18 январь кунидан бошлаб ушбу вилоятнинг бир неча туманларида мусобақанинг ҳудудий босқичлари бошланади. Сиз азизлар билан уч кун давомида Жиззах ва Сирдаё вилоятларида хушовоз қорилар тиловатини тинглаб, кўп роҳат олдик. Ўлкамизнинг ҳар бир ҳудудида ана шундай қориларнинг ўзига хос савти, оҳанги бор, албатта. Самарқанд қорилари ҳам ўзларининг маҳоратлари билан жуда ҳам машҳур. Айниқса, варш қироати билан ҳаммани эътиборини ўзига тортган қорилар айнан мана шу заминдадир.
Дарҳақиқат Қуръон қалбнинг шифоси, ҳидоят манбаидир. Аллоҳ таоло айтади: «Биз мўминлар учун шифо ва раҳмат бўлган Қуръон оятларини нозил қиламиз...» (Исро, 82). Қуръон мўминлар қалбидаги маънавий иллатлар, нифоқ, ширк, адоват ва тўғри йўлдан тойиш кабиларни бартараф этади.
Эртага Имом Бухорий ҳазратларининг ҳоки поклари қўним топган ёдгорлик мажмуасида Самарқанд вилоятидаги Қуръон мусобақасининг ҳудудий босқичига оқ фотиҳа берилади. Ҳозирдан тайёргарликлар жуда авжида, мусобақа muslim.uz сайти ва ижтимоий тармоқ саҳифаларида онлайн узатиб борилади.
Қуръонни қалбга жо айлаш, Каломуллоҳни яхши кўриш инсонни икки дунё саодатига етиштиради. Шундай экан, барча Қуръон ихлосмандларини эртага Самарқандга таклиф этамиз, Қуръоний зиёфатга марҳабо, азизлар!

Ўзбекистон мусулмонлари идораси Матбуот хизмати

Среда, 17 Январь 2018 00:00

Ғолиб қориялар эълон қилинди

Гулистон шаҳрида бўлиб ўтган Қуръон мусобақасининг ҳудудий босқичи якунланди. Иккинчи ҳудуд бўйича тиловат йўналиши ғолибалари билан танишинг:
18-25 ёшли аёл-қиз иштирокчилар орасида қуйидагилар ғолиба бўлди:
1-ўринга Бобоназарова Нозик;
2-ўринга Норалиева Азизахон;
3-ўринга Абдужабборова Зайнаб муносиб деб топилди.
26-40 ёшли аёл-қиз иштирокчилар орасида қуйидагилар ғолиба бўлди:
1-ўринга Аллаева Шоҳиста;
2-ўринга Солиева Ферузахон;
3-ўринга Аҳмедова Шаҳноза муносиб деб топилди. 

Ҳудудий босқичнинг аёл-қизлар ўртасидаги ғолибалар Ўзбекистон мусулмонлари идораси ҳамда ҳомийлар томонидан ташкил этилган диплом ва қимматбаҳо совғалар билан тақдирландилар. Биринчи ўрин соҳиблари вилоят босқичига йўлланма олдилар.    
Бизни кузатишда давом этинг.

Ўзбекистон мусулмонлари идораси Матбуот хизмати

Сирдарё вилояти Гулистон шаҳридаги “Осиё” кошонасида бўлиб ўтган Қуръон мусобақасининг ҳудудий босқич ғолиблари эълон қилинди. Марҳамат эркак иштирокчилар бўйича ғолиблар билан танишинг:
Ҳифз йўналиши
18-25 ёшли эркак иштирокчилар орасида қуйидаги номзод ғолиб бўлди:
1-ўринга Абдухолиқов Муҳаммадсобир муносиб деб топилди.
26-40 ёшли эркак иштирокчилар орасида қуйидагилар ғолиб бўлди:
2-ўринга Каримов Нажмиддин;
3-ўринга Каримов Фахриддин муносиб деб топилди.

Тиловат йўналиши
18-25 ёшли эркак иштирокчилар орасида қуйидагилар ғолиб бўлди:
1-ўринга Юсуфжонов Муҳаммадризо;
2-ўринга Ахматқулов Элёржон;
3-ўринга Абдуллаев Абдувоҳид муносиб деб топилди.
26-40 ёшли эркак иштирокчилар орасида қуйидагилар ғолиб бўлди:
1-ўринга Дўсматов Одил;
2-ўринга Алиқулов Қодир;
3-ўринга Эшонов Маҳмуджон муносиб деб топилди.

Эслатиб ўтамиз Сирдарё вилоятида тиловат йўналиши бўйича аёл-қиз иштирокчилар ўртасида қуйидаги қорияларимиз ғолибликни қўлга киритишган эди:
18-25 ёшли аёл-қиз иштирокчилар орасида қуйидагилар ғолиб бўлди:
1-ўринга Мустафоева Сарвиноз; 
2-ўринга Вафоева Дурдона;
3-ўринга Нўъмонова Маърифат муносиб деб топилди. 
26-40 ёшли аёл-қиз иштирокчилар орасида қуйидагилар ғолиб бўлди:
1-ўринга Усманова Ҳулкар;
2-ўринга Турдиева Феруза;
3-ўринга Ҳасанова муносиб деб топилди.

Ҳудудий босқич ғолиблари Ўзбекистон мусулмонлари идораси ҳамда ҳомийлар томонидан ташкил этилган диплом ва қимматбаҳо совғалар билан тақдирландилар.
Бизни кузатишда давом этинг, диёримизнинг бошқа ҳудудлари бўйлаб мубоқалар давом этади.

Ўзбекистон мусулмонлари идораси Матбуот хизмати

Қуръон мусобақаси иштирокчиларини рўйхатга олиш ниҳоясига етганга қадар ҳужжат топширсамми ёки кейинги йил уриниб кўрсамми деб иккиланганлар бўлди. Уларнинг баъзилари кейинги йил қатнашишга қарор қилиб бу йил ҳужжат топширмади. Рўйхатга олиш эса 15 январь куни якунланди. Ушбу рўйхатдан 5366 нафар иштирокчи ўрин олди: 3263 нафар эркак, 2103 нафари аёл-қизлар. Бу – ёшнинг чеклови билан олинган кўрсаткичдир. Яъни 18 дан 40 ёшгача бўлган қори ва қорияларнинг мусобақада қатнашишга азму қарор қилганларининг ҳисоби бу.

Қорилар ва қорияларнинг вилоятлар бўйича ҳисобининг эълон қилинганини кўрган киши уларнинг сони турли вилоятда турлича эканига гувоҳ бўлади. Аслида бу ҳам бир синов. Замонавий иборада айтилганда мониторингдир.

Жадвалдан аён бўлишича, Умумий ҳисобда, биринчи турган Фарғона вилоятида мураттаб ва мужаввид қори ва қориялари сони 1237 та; иккинчи ўринда турган Андижон вилоятида шундай қори ва қориялар1182 киши экан.

Фарғона вилояти 219 ҳисоб билан энг кўп мураттаб қори бўйича ҳам биринчи ўринда турибди. Андижон вилояти бу борада ҳам 174 ўрин билан иккинчи ўринда. Аммо Андижон ҳифз йўналишида 18 ёшдан 40 ёшгача бўлган қорилар ичида 74 ҳисоб билан ҳаммадан олдинда.

Мураттаб қориялар бўйича Тошкент шаҳри ва Наманган вилояти 8 та ҳисоб билан биринчи ўринда, Сурхондарё ва Тошкент вилояти 7 ҳисоби билан иккинчи ўринда турибди.

Айни кунларда Бухоро, Жиззах, Сирдарё, Хоразм ва Қашқадарё вилоятлари ҳамда Қорақалпоғистон республикасида мураттаб қориялар йўқ экан. Навоий вилоятида эса бир нафар қория бор экан. Лекин ушбу вилоят ёшларининг илм олиши учун яратилган қулайликлар ва аёл-қизларимизнинг илмга чанқоқлиги, иншоаллоҳ, яқин йиллар ичида бу камчиликни ёпиб кетади ва кейинги йилларда ўтказиладиган танловларда ушбу ҳудудлардан ҳам мураттаб қориялар чиқиб қатнашади.

Ушбу қорилар ва қориялар – Қуръони каримда марҳамат қилинганидек, орамиздаги яхшиларимиз, ҳадиси шарифда таърифланганидек, Қиёматда Қуръонни ўқиб кўтарилиб бораверувчилар, ота-онасига тож кийдирувчи энг фазилатлиларимиздир. Бу инсонларга хайрихоҳ бўлган, уларнинг сафи кенгайишига ҳисса қўшган, уларни моддий ва маънавий жиҳатдан қўллаб-қувватлаб турган кишилар асло кам бўлмайди. Қуръони каримга қараш ҳам савоб, уни эшитиш ҳам савоб. Уни ўқиб ўрганиш, ёдга олишнинг савоби ҳақида гапиришга тил ожиз. Қуръони карим тиловат қилинган жойга Аллоҳ таъолонинг файзи илоҳийси ёғилиб туради, раҳмат фаришталари ҳозиру нозир бўлади, балою қазолар, офатлар дафъ бўлади, шайтоннинг ҳийлалари кесилади. Қуръони каримни севувчилар кўп бўлган юртда барака ҳам, фаровонлик ҳам, тинчлик-хотиржамлик ҳам бардавом бўлади. Зеро, биз билмаган яна қанчадан қанча неъматлар борки уларнинг барчаси Аллоҳ таолонинг Каломи шарофатдидандир.

Барчангизга Қуръон байрами муборак, азиз юртдошлар!

ЎМИ Матбуот хизмати

Бугун, 17 январь куни пойтахтимиздаги “Шайх Зайниддин” жоме масжидида “Умра-2018” баҳорги мавсумига жалб этилган гуруҳ раҳбарлари иштирокида дастлабки ўқувлар бўлиб ўтди. Унда Вазирлар Маҳкамаси ҳузуридаги Дин ишлари бўйича қўмита масъул ходимлари Д.Бобожонов, М.Йўлдошев, диний идора Халқаро алоқалар бўлими мудири М-А. Шакиров ва шифокор Алишер Саатов иштирок этди.
Ушбу йиғилишда, Тошкент шаҳри ва Сирдарё вилояти гуруҳ раҳбарлари иштирок этган бўлса, ундан кейинги кунларда Жиззах, Самарқанд, Сурхондарё, Қашқадарё, Бухоро, Навоий, Наманган, Андижон, Фарғона, Тошкент, Хоразм вилоятлари ва Қорақалпоғистон Республикаси гуруҳ раҳбарлари учун машғулотлар белгиланган муддатларда бўлиб ўтади.
Тадбир давомида, мутасаддилар томонидан гуруҳ раҳбарларига зарурий тавсиялар берилади. Жумладан, уларнинг бурч ва масъулиятлари, умра ибодати рукнлари, сафарга жўнаб кетиш ҳамда Саудия Арабистонидаги ташкилий ишларнинг уларга тааллуқли жиҳатлари атрофлича ёритилади.
Шунингдек, сафарга доир ҳужжатлар билан ишлаш тизими, гуруҳдаги зиёратчилар билан машғулотлар ўтказиш тартиби, паспорт ва бошқа ҳужжатларини юритиш қоидалари борасида ҳам кўрсатмалар берилади.

Ўзбекистон мусулмонлари идораси Матбуот хизмати

Страница 1 из 388

Мақолалар

Top