Мақолалар

Ўзбекистон Миллий ахборот агентлигининг эътирофи

Ўзбекистон Миллий ахборот агентлигининг расмий сайтида “Матбуот котибими ёки вазир котиби?” сарлавҳали мақола эълон қилинди. Унда бир қатор ташкилотлар ва уларнинг матбуот хизматлари, сайтларининг бориши, ишлаш жараёни ҳақида фикр билдирилиб, улар суст, фаол каби тоифаларга ажратилган.

Ижобий ҳолатлар, тезкор матбуот хизматлари ва фаол сайтлар ҳақида сўз юритилганда, Ўзбекистон мусулмонлари идорасининг матбуот хизмати эсга олиниб, уни тезкор ва илғор усулларда ишлаётган матбуот хизмати сифатида эътироф этилди.

Дарҳақиқат, кейинги вақтда Ўзбекистон мусулмонлари идорасининг матбуот хизмати ва MUSLIM.UZ расмий веб-портали юртимиз ва хорижда бўлаётган соҳага оид хабарларни текорлик билан ёритиши, баъзи масалаларда жамият орасида, ижтимоий тармоқларда бўладиган тушунмовчиликларни тушунтириб бериши ва керакли ўринларда ихтилофларга ечим тақдим этиб, қарши фикр билдирувчиларга раддиялар билдириши сезиларли даражада ортди ва портал анча оммалашди.

Ахборот агентлигининг мазкур мақоласида жумладан шундай дейилган:

“Шу билан бирга, қатор ижобий ҳолатлар ҳам кўзга ташланаётганини таъкидлашни истар эдик. Ўзбекистон истеъмолчилар ҳуқуқларини ҳимоя қилиш жамиятлари федерацияси, Халқ таълими, Адлия, Фавқулодда вазиятлар вазирликлари, Давлат хизматлари агентлиги, Давлат солиқ қўмитаси, “Ўзтрансгаз” акциядорлик жамияти, Ўзбекистон мусулмонлари идораси, Тошкент шаҳар ва Самарқанд вилоят ҳокимликлари матбуот хизматлари илғор усулларда ва тезкорлик билан ишламоқда ҳамда бу мақсадларга катта ресурс ва маблағ ажратмоқда”.

Қуйидаги ҳаволага кириб, мақолани тўлиқ ҳолда ўқиш мумкин:

 

Ўзбекистон мусулмонлари идораси Матбуот хизмати

498 марта ўқилди
Другие материалы в этой категории: « Илм олиш фазилати Маҳзун бўлманг »

Мақолалар

Top