Мақолалар

Ҳаёт бизга ўргатган ҳикматлар.

1. Риё бор ҳар қандай ишда раволиг-у зиё йўқдир.

*   *   *

2. Мол-мулкни беҳуда исроф қилиш куфрони неъматдур. Ўйламасдан бойлигини сарфлаш тўлиқ таназзулга олиб келади.

*   *   *

3. Агар бирор қайғу-алам юз бергани ёки таъзияли жойни эшитсанг, дарҳол ўша ерга бор. Агар зиёфату меҳмондорчиликка чақирилсанг, унда ўзинг ўйлаб иш тут.

*   *   *

4. Фақиру мискинларга вожиб садақаларни бажо келтирмаган бойларга жаҳаннамда даҳшатли бир ҳандақ бордир.

*   *   *

5. Кўпинча ёки баъзан Ҳасан ал-Басрийга ўхшаш буюкларни Хажжож золимга ўхшашлар туғадилар, гўё шўр денгиз сувидан дур-маржонлар чиққани каби.

*   *   *

6. Пора фақат ноҳақлигу золимларга ёрдам бергувчидир.

*   *   *

7. Ўткир қиличнинг бошга тушадиган зарбаси баъзи нодонларнинг ҳукми остида мутеъ-итоатда бўлиб юришдан афзалдир.

*   *   *

8. Ҳақиқат ва адолат билан тўғри сиёсат юргизмаган ҳар бир раҳбар ва бошлиқ қаттиқ азоб-уқубат ва балога гирифтор бўлур.

*   *   *

9. Бу дунё ибратли ишлар ва панд-насиҳатларга тўладир. Айни вақтда кўз ёшларига ҳам сероб.

*   *   *

10. Қўрқувга мубтало бўлган киши фақат қочишдан нажот излайди.

Саидаброр УМАРОВ таёрлади

504 марта ўқилди

Мақолалар

Top