Ўз ҳикмати билан бир эшикни беркитса, раҳмати билан юзта эшикни очиб қўяди.
«Ховатир роқия журнали»
*****
Қудуққа туфлама, бир кун ундан сув ичишинг мумкин.
mawdoo3.com
*****
Агар аёл ўқиб-ўрганса, турмушга чиқса, яхши кўрса, ихлосли бўлса, ҳомиладор бўлса, фарзандни дунёга келтирса, эмизса, тарбия қилса, ишласа, безовталик ва қўрқувга бардош берса, охирида буларнинг ҳаммасини ноқис ақл билан қилган бўлса!
Агар ақли комил бўлганда қандай бўларди?!!
«Ховатир роқия журнали»
*****
Аёл каби фазилат манбаи бўлган неъматни кўрмадим.
- Гўдаклигида отасини жаннатга киришига сабаб бўлади.
- Балоғатга етиб, турмушга чиққанда эрининг динининг ярмини тўлдиради.
- Она бўлганда фарзандлари учун жаннат унинг оёқлари остида бўлади.
«Ховатир роқия журнали»
*****
Атрофимиздаги шахсларнинг ҳақиқатини фақат Аллоҳ билади. Шунинг учун доимо: “Эй Аллоҳ, менга яхшиликни раво кўрадиган кишига мени рўпара қил ва уни менга рўпара қил! Менга ёмонликни раво кўрадиган кишидан мени буриб юбор ва уни мендан буриб юбор!” деб айтинг.
«Ховатир роқия журнали»
*****
Дунё сендан беш нарсани ўғирлаб қўймасин!:
- Роббинг билан бўладиган соф лаҳзани;
- Ота-онангга яхшилик қилишингни;
- Оилангдагиларга меҳр кўрсатишингни;
- Атрофингдагиларга яхшилик қилишингни;
- Амалларда ихлосли бўлишингни.
«Ховатир роқия журнали»
Ўғирлаб қўймасин дегани дунё топаман деб шу нарсаларга бепарво бўлиб қолма маъносидадир. Валлоҳу аълам.
*****
Дунё уч кун...
- Кеча ўтди ва у ҳаргиз қайтмайди.
- Бугун яшаяпмиз ва у ҳам узоқ давом этмайди.
- Эртага эса, қаерда бўлишимизни билмаймиз.
Шундай экан, инсонларни кечир, халқни Холиққа қўйиб бер. Мен ҳам, сен ҳам, улар ҳам, биз ҳам кетувчимиз. Қалбингнинг туб-тубидан сенга ёмонлик қилганни кечир!
«Ховатир роқия журнали»
*****
Инсон нега манманлик қилади?!
- Нутфадан яратилганмиз.
- Аслимиз лойдан.
- Энг қиммат либос (яъни, аёллар киядиган ипак либослар) ипак қуртидан олинади.
- Энг мазали таомимиз (яъни, асал) асаларидан олинади.
- Ётадиган жойимиз ер тагидаги чуқурликдир.
Бас, шундай экан, нега манманлик қиламиз?!
«Ховатир роқия журнали»
*****
Жаннатда неъматлардан учтаси борки, улар дунёда асло топилмайди:
- Абадийлик.
- Раҳмонга қўшни бўлиш ва Уни кўриш.
- Оғриқлар, ғамлар ва касалликларнинг кетиши.
Аллоҳ таоло барчамизга энг олий фирдавсни насиб этсин!
«Ховатир роқия журнали»
*****
Агар инсонлар сиз билан дунё зийнатлари учун мусобақа қилсалар, уларни тарк этинг!
Агар инсонлар сиз билан Охират неъматлари учун мусобақа қилсалар, улардан ўзиб кетинг!
Чунки, Аллоҳ таоло дунё зийнатларини яхши кўрганига ҳам, ёмон кўрганига ҳам беради.
Аммо Охират неъматларини фақат яхши кўрганига беради.
«Ховатир роқия журнали»
*****
Интернет маълумотлари асосида
Нозимжон Иминжонов тарйёрлади