Қуйида келтириладиган фикрлар, ҳикматлар сайтлардан ва ижтимоий тармоқлардаги турли саҳифалардан олиб таржима қилинган.
Агар насиба сизга ёзилган бўлса, унга олиб борадиган йўллардан юриш амру маҳол туюлса ҳам, Аллоҳ таоло Ўзининг лутфи билан сизга ўша насибага етиб бориш сабабларини осон қилиб қўяди. Охирида у сизнинг қўлингизда бўлади. Ҳа, Роббимиз Латиф ва Меҳрибондир.
*****
Умр - ҳар қанча зиёда бўлгани сайин шунча камайиб борадиган нарсадир.
Сониялар ўтиб борар экан, қабримизга яқинлашаверамиз.
Соат миллари олдинга, танамиз эса кексайиш томон ҳаракатланиб бормоқда.
Аллоҳ таоло барчамизни Ўзининг ҳидоятидан айирмасин ва хотимамизни гўзал қилсин!
*****
Илм рағбатлантирилса, илмга қизиқувчилар ортади.
Айтгандек, Шариатимиз кўрсатмаси бўйича юзга уриш мумкинмас.
*****
Агар ғазаб қилса, сизларни кўз очиб юмгунингизча ерга юттириб юборадиган Зотдан қўрқинглар!
Агар ғазаб қилса, сизларнинг устингизга сизларга аёвсиз ёмонликларни қиладиган душманларингизни бошлиқ қилиб қўядиган Зотдан қўрқинглар!
“Улуғ қозилар” филмида Қози Иёз раҳимаҳуллоҳнинг айтган гаплари
*****
Аллоҳ таоло Умар ибн Хаттоб розияллоҳу анҳунинг “Эй Аллоҳ, Сенинг йўлингда шаҳид бўлишимни ва ўлимим Пайғамбаринг (соллаллоҳу алайҳи васаллам)нинг шаҳарларида бўлишини насиб этгин” деб қилган дуоларини ижобат қилди.
Роббимиз бизга ҳам шаҳидлик мақомини насиб этсин!
Интернет материалларидан тўплаб, таржима қилувчи
Нозимжон Иминжонов
