muslim.uz

muslim.uz

Жорий йилнинг 19 июнь куни Ўзбекистон мусулмонлари идораси раиси, муфтий Усмонхон Алимов ҳазратлари Қозоғистон мусулмонлари идораси раиси Серикбай ҳожи Ўраз билан учрашди. Ушбу учрашув Чимкент шаҳрида «Қозоғистон—Ўзбекистон: диний алоқаларининг янги босқичи» мавзусидаги халқаро форум доирасида бўлиб ўтди.

Икки мамлакат муфтийлари ўзбек-қозоқ биродарлигини янада мустаҳкамлаш борасида фикр алмашдилар.

Қозоғистон муфтийси Серикбай ҳожи Ўраз ушбу йилда Марказий Осиё уламоларининг Рамазон ойи бошланиши ва Рамазон ҳайити саналарини биргаликда кенгашган ҳолда белгилаганлари муҳим аҳамиятга эга эканини таъкидлади.

"Бу тарихий қарор - бизнинг диний бирдамлигимизнинг ёрқин намунасидир. Қозоғистонда Ўзбекистон йили муносабати билан ҳамкорликнинг янги қирраларини кашф этишимиз, мавжуд йўналишларда ҳаракатларни фаоллаштиришимиз ва тизимли равишда амалга оширишимиз зарур", деди Серикбай ҳожи Ўраз.

Ўз навбатида Ўзбекистон мусулмонлари идораси раиси, муфтий Усмонхон Алимов ҳазратлари ҳам юқори даражада ташкил этилган анжуманга таклиф этгани учун миннатдорлик билдирди. Диний соҳада ҳамкорликни мустаҳкамлаш, ҳамкорликда ўзбек ва қозоқ тилларидаги диний китоблар нашр қилиш, ёшларни тарбиялаш борасида тажриба алмашиш, икки мамлакат муқаддас қадамжоларига зиёратни ташкил этиш бўйича алоқаларни мустаҳкамлаш борасида ўз фикрларини билдириб ўтдилар.

 

ЎМИ Матбуот хизмати

Қозоғистон ҳудудида сақланиб қолган, мусулмонларга тигишли бўлган энг қадимий масжид реставрация қилинди. Бу ҳақда «Исламосфера» нашри хабар тарқатди.

Маълумотларга кўра, Жамбул вилоятининг Тараз шаҳрида жойлашган масжид реставрациядан сўнг ажойиб сайёҳлик объектига айланди.

Қозоғистон мусулмонлари идорасининг собиқ раҳбари Абдусаттор Дербисалининг айтишига қараганда, қадимий Тараз шаҳрини Қозоғистоннинг Ислом пойтахти дейиш мумкин.

Тахминий ҳужжатларга қараганда, масжид VII асрда бунёд этилган.

ЎМИ Матбуот хизмати

Яшашдан мақсад не?

Ҳаёт деганлари бир қарашда енгил ва беташвиш кўринса-да, яшашнинг ҳам ўзига яраша машаққатлари бор. Шекспир қаҳрамони Гамлет айтганидек. “Тирик қолмоқ ё ўлмоқ – шудир масала”

“Тирик қолмоқ ё ўлмоқ”. Бу ибора замирда нима маъно бор?  Шу саволни ўзингиздан бир сўраб кўринг-чи, нима жавоб топар экансиз. Нега ва нима учун? Сиз нима деб ўйлайсиз ўзи биз бу дунёда ижодкорлармизми ёки назоратчилармизми?  Ҳар бир инсоннинг қалбида табиий равишда савол пайдо бўлади: Аллоҳ таоло мени нима учун яратди? Жавоб ҳам мўл. у саволга миллардлаб одамлар ўзларининг дунёқарашидан келиб чиқиб жавоб берадилар. Аммо тўғри жавоб битта...

Уни сиз ҳам биласиз:  Аллоҳ таоло бизни Ўзига ибодат қилсин деб яратган. Биз бу гапни кўп эшитамиз, аммо ҳикматини англамаймиз – қулоғимизнинг унисидан кириб бунисидан чиқиб кетаверади.

Ёзда бир воқеа бўлди, кўча шиддатли жазирама эди.  Қўлимга боламни кўтариб келаётган эдим.  Масжиднинг ёнидан ўтаётиб бир жонсарак бўлиб турган жувонга кўзим тушди, олдида беш ёшлардаги бир болакай ҳам бор.  “Меҳмонга ўхшайди”, деб ўйладим.  Яқинлашиб борганимда негадир унга салом бердим. Кейин эса:

– Сингилжон, тинчликми? Бу ерликка ўхшамайсиз? – деб сўрадим.

– Ваалайкум ассалом, мен Россиянинг ичкарисиданман, шаҳарга бугун келдим, бизни таклиф қилган одам ғойиб бўлди, телефонни ҳам кўтармаяпти. Нима қилишни билмай, ҳайрон бўлиб турибмиз, – деб жавоб қилди у.

Унинг бу ҳолати мени хавотирга солди. Унинг ўрнига ўзимни қўйиб кўрдим, яна ёш бола билан... даҳшат!

– Юринг уйга борамиз, бир оз хордиқ чиқариб оласиз, ундан кейин эса сиз излаб келган одамни биргаликда топишга ҳаракат қиламиз, – дея уни уйга таклиф қилдим.

Бечора севинганидан кўзлари чақнаб кетди. Унинг юзида қандай жилмайиш пайдо бўлганини кўрганингизда эди. Уни кўриб уйга таклиф қилганимдан ўзим ҳам суюниб кетдим.

Уйга келиб уни ва болакайни меҳмон қилай деб ошхона билан меҳмонхона орасида гўёки учиб юрдим.

– Ўғлингизнинг оти ким? – деб сўрадим.

– Аҳмад, – дея кўзларида севинчи порлаб жавоб берди менинг топилдиқ синглим. Ўзининг оти Фотима экан.

Биз хийла вақт суҳбатлашиб ўтирдик. Фақат намоз вақти кирганда биргаликда намозимизни ўқиб олардик. Ўша вақтдагина суҳбатимиз бўлинар эди. Фотима бундан хурсанд бўлар ва ҳар сафар намозга турганимизда қачондир жамоат бўлиб намоз ўқиши мумкинлиги ҳеч ҳам хаёлига келмаганини гапириб берар эди. Менинг наздимда, бу одатий ҳол эди, аммо унинг шукронасини қилиб қўярдим. 

Гаплашиб ўтириб, Фотима менга қўлини кўрсатди, аниқроғи, қўлининг юқори томирини. Мен кўриб қўрқиб кетдим: билагининг ҳамма жойи чандиқ эди!   

– Нима бу?!

– Мен ҳаётнинг маъносини ана шунақа қилиб излаган эдим, – дея шивирлади Фотима, гўёки кимдандир тортинаётгандек. – Биласизми, бу ерда сизга осон. Доғистон – жаннатмонанд макон. У ёқда, мен яшаётган жойда ёшларнинг ҳаммаси 11 ёшидан бошлаб ботқоққа чўка бошлайди ва нима иш билан шуғулланмаслик керак бўлса, ўша ишларнинг ҳаммаси билан машғул бўлади. У ерда менга ўхшаганлар жуда ҳам кўп. Менинг дўстларим бор эди, яъни биз саккиз киши мактабда дўстлашиб кампания бўлиб олган эдик. Ҳар куни йўлканинг олдида тўпланиб олиб пиво ичардик, сигарет чекардик, ҳар биримизнинг ўз йигитимиз бор эди, ҳозир кулгили эшитилади. одамга. Биз ўшанда 13 ёшда эдик ва аммо нимаики шармандачилик бўлса ҳаммасини қилар эдик. Кунларнинг бирида яқин дугонамнинг йигити сигарет тутуни орасидан овози аранг чиқиб мендан: “Света, ҳаётнинг маъноси нима?” деб сўради. 

Саволни эшитиб ҳамма кулиб юборди, баъзилари менга қўявер дегандек, бош ирғаб қўйди, мен эса ўйланиб қолдим. Орадан йиллар ўтди, мен эса ана шу саволга жавоб топа олмадим. Шундай хулосага келдимки, ҳаётнинг ҳеч қандай маъноси йўқ, менинг ўлимимнинг эса маъноси бор, тамом! Ана шу менинг сўнгги қарорим эди. Ўзимни осдим, ойим дордан тушириб олиб шифохонага олиб борди; дори ичдим, ошқозонимни ювиб олишди; томиримни кесдим, ҳаётга қайтаришди. 

Кунларнинг бирида қўшни уйнинг деразасидан қулоғимга бир одамнинг пастгина овозда: “Аллоҳ таоло бизни Ўзига ибодат қилишимиз учун яратди, муҳтарам ака-укалар, опа-сингиллар, ана шу бизнинг ҳаётимизнинг мазмунидир”, дегани эшитилди.  Бу гапни эшитиб мени ток ургандек бўлди. елкамдан чумоли ўрмалаб бораётгандек туйилди, мен уввос солдим – шунчаки йиғламадим, уввос солдим! Ана шу менинг туйғуларимни биринчи бошқарув нуқтам бўлди. Орадан вақтлар ўтди, ҳаммаси шу қадар тез юз бердики, мана мени кўриб турганингиздек, қаршингиздаман, муслимаман, алҳамдулиллаҳ, – деди ва худди оғир ишдан сўнг дам олишга ўтиргандек чуқур нафас олди. 

– Мошааллоҳ, Фотима, мошааллоҳ, – дедим. Чунки тилимга бошқа сўз келмади.

У – кучли аёл. Мен шундай қила олармидим? Ўрганиб қолган ҳамма нарсалардан воз кечиш... Бу ишлар Аллоҳ тавфиқ бермаса банданинг қўлидан келармиди?  Унинг ризоси – ана шу арифметика асоси. Ҳаётдан маъно излаймиз,  бироқ унинг шундоққина бурнимизнинг тагида турганини билмаймиз. Ҳолбуки, Аллоҳ таоло: “Мен сизга жон томирингиздан ҳам яқинман”, деб хабар қилиб қўйибди.

Бизга ҳаётдан маъно қидиришга ўрин қолдирмасдан, умримизни Ўзининг нури билан нурафшон, кунларимизнинг ҳар бир дақиқасини мазмунли қилиб қўйган Аллоҳ таолога беадад ҳамду санолар айтиб, ана шу буюк неъматнинг шукронасини қилишга ҳаракат этайлик. Алҳамдулиллаҳи Роббил аъламийн!

Муаллиф: Фотима НАСИБОВА

Таржимон Қизманой ҲАЙИТОВА

 

Вақф хайрия жамоат фонди 18 ва 19 июнь кунлари жами ҳисобда 75 149 000 (етмиш беш миллион бир юзи қирқ тўққиз минг) сўм закот маблағларини шариатда кўрсатилган ўринларга етказди.

Закот маблағлари муҳтож, бемор, уйсиз, қаровчиси йўқ ёши улуғларга, жами 59 кишига нақд пул ёки пластик карта орқали берилди.

Умумий ҳисобда шу кунгача 134 933 000 сўм закот маблағи 102 кишига тақсимлаб берилди. Закот маблағларини тарқатиш ишлари давом этмоқда.

“Вақф” хайрия жамоат фондига қуйидаги воситалар орқали пул ўтказиш мумкин:

1.Click, PayMe, MBank, UPay мобил тўлов иловалари орқали:

Click орқали *880*1100# ни териш ёки Click Uzbekistan иловаси ва @clickuz телеграм боти орқали;

Vaqf.uz веб-сайтидаги “онлайн эҳсон”-га кириб, ўз пластик картангиз уланган мобил тўлов иловалари орқали;

2.Жисмоний шахслар томонидан банк кассалари орқали нақд пул топшириш ва пластик карталаридан фонд махсус хисоб варақларига тўлаш орқали;

3.Барча тижорат банклари инфокиосклари орқали нақд пул ва пластик карталардан (“Вақф” фонди махсус хисоб варақлари интерфейсга киритилган) тўлаш орқали;

4.Юридик шахслар томонидан “Хайрия” ва “Вақф” махсус хисоб варақларига фонд лойиҳа ва мақсадларини қувватлаш ва “вақф қилиш” тўғрисидаги шартнома орқали;

5.Юридик шахслар томонидан “Закот”, “Хайрия” ва “Вақф” махсус хисоб варақларига ўз ходимларининг ойлик иш хақлари ва корхона таъсисчиларининг дивидендлари хисобидан тўлов қилиш орқали;

БАНК РЕКВИЗИТЛАРИ:

“Вақф” хайрия жамоат фонди, СТИР/ИНН 207276595

АТИБ “Ипотека-банк” Юнусобод филиали, МФО 00837,

Сўмда:

ҳ/р: 20212000000881753002 «Хайрия» учун;

ҳ/р: 20212000100881753003 «Закот, фитр, ушр, фидя» учун;

ҳ/р: 20212000300881753004 «Вақф» қилиш учун.

ҳ/р 20212000500881753005 “Масжид” (масжидлар учун)

АҚШ долларида:

acc. 20212840600881753002 in “IPOTEKA-BANK”, Unus abad branch,

branch code 00837, SWIFT UZHOUZ22, Addres: Uzbekistan, Tashkent city, Amir Temur 89

Жисмоний ва юридик шахслар ўзларининг пул маблағларини ёки моддий қимматликларини фондга беришлари, ишларни бажариш ёки хизматлар кўрсатиш тарзидаги ихтиёрий хайр-эҳсон қилиш тўғрисидаги шартномага асосан амалга оширилиши мумкин

 

 

Вақф хайрия жамоат фонди матбуот хизмати

Бугун Тошкент шаҳридаги “Шайх Зайниддин” (Кўкча) жоме масжидида навбатдаги кар-соқовлар билан “Имонимизни мустаҳкамлашни хоҳлаймиз” мавзусида тадбир бўлиб ўтди.

Тадбирга Ўзбекистон мусулмонлари идорасининг хотин-қизлар билан ишлаш мутахассиси Мунира Абубакирова, Тошкент шаҳар ҳокимияти аёллар ўртасидаги ижтимоий масалалар мутахассиси Дилбар Аҳмедова, “Исломобод” жоме масжиди бош имом-хатиби Жуманов Абдулҳамид домла, “Кар-соқов”лар жамияти аъзоси Моҳира Кубаевалар қатнашишди.

Ушбу учрашувдан мақсад, уларнинг соф динимизни ўрганишга бўлган иштиёқларини қўллаб-қувватлаш, ногиронлиги бўлган шахсларнинг ёлғиз эмасликлари, жамиятнинг барча қатлами давлатнинг ҳимоясида бўлишини учрашувга келган имконияти чекланганларга етказишдир.

Динимиздаги 40 фарз ҳақида билганларини гапириб бериш учун уларни минбарга таклиф қилишди. Кўплаб иштирокчилар бу саволга жуда оқиллик билан жавоб беришди. Ҳаттоки қўшимча ўқиб келган маълумотлари ҳақида ҳам ўртоқлашишди. Сўнгра бу жараён саволларга уланиб кетди. Эътиборимизни бир савол ўзига тортди. Эндигина 20 ёшни қаршилаган Азизбек Қурбонов қалбини келганларга очиб шундай деди: “Ислом динини мукаммал ўрганишни хоҳлайман. Бу йил Президентимизнинг қарорлари билан ногиронларни қўллаб қувватлаш учун махсус олий ўқув юртларида квоталар берилишидан хурсанд бўлдим. Худо хоҳласа, Ахборот технологиялар институтига кирмоқчиман. Саволим шундан иборатки, Қуръони каримдаги Бақара сурасининг 18- оятини ўқиб тўғриси чўчиб кетдим, биз кар-соқовларга ҳидоят бўлмасмикан? Шу масалага ойдинлик киритсангиз. Қалбимда имон борлиги, Аллоҳга бўлган ишонч кучли аммо бу оятни мен тушунолмаяпман?”, деди. Бу саволга Ўзбекистон мусулмонлари идораси мутахассиси Мунира Абубакирова қўйидагича жавоб бердилар: “Энг долзарб бўлган саволни бердингиз, оятларни ўқиб бошқача талқин қилиб олаётганлар, айниқса, миссионерлар бу каби ҳолатлардан яхшигина фойдаланаётгани бизларга маълум. Ниманики тушунишга қийналсангиз, ҳар бир масжидларимизда имом-хатиб домлаларимиз бор улардан барча саволларингизга тўғри-аниқ жавоб олишингиз мумкин. Ушбу саволга келадиган бўлсак, “(Улар маънан) кар, соқов ва кўрдирлар. Бас, улар зинҳор (ҳидоятга) қайтмагайлар” (Бақара сураси, 18-оят). Бу оятнинг кар-сақовларга умуман алоқаси йўқ. Ушбу оят мушрикларга қарата айтилган бўлиб, яъни уларнинг карлиги – ҳақ гапларни тингламасликлари, соқовликлари – ҳақ гапни гапирмасликлари, кўрликлари эса ҳақ нарсани кўриб, тасдиқ этмасликларидир. Иншоаллоҳ Аллоҳ итоатли бандаларига меҳрибон ва шафқатлидир”.

Тадбирга сал кейинроқ ташриф буюрган “Исломобод” жоме масжиди бош имом-хатиби Жуманов Абдулҳамид домла эса қатнашчиларга илоҳий китоб Қуръони каримнинг “Юсуф” сураси ҳақида батафсил тушунчалар бериб, Қуръони карим оятларининг бутун инсониятга манфаати бениҳоя чексизлиги ва биз бандаларга шифо ва раҳматлигини таъкидлаб ўтдилар. Ва: “Сизлар ҳозир эшитган маълумотларингиз тезда эсингиздан чиқиб кетиши мумкин, шунинг учун кўпроқ китоб ўқишга ҳаракат қилингизлар. Қандайдир тушунилиши қийин саволлар туғилса, албатта, ёзиб қўйинг-ки, келгуси учрашувимизда уларга ойдинлик киритамиз, иншоаллоҳ. Олдингига нисбатан, анча билим савияларингиз ошганидан кўнглимиз беҳад шодланди. Ўқиб ўрганишга бўлган шижоатингиздан хурсанд бўлдик...” дедилар.

Соф Ислом динини гапириш ва эшитиш қобилиятлари чекланган шахсларга атрофлича тушунишга беминнат ёрдам бераётган мутасадди раҳбарларнинг саъй-ҳаракатлари натижасини кўриб ҳақиқатан “Машаллоҳ” деймиз. Улар эса синиқ кўнгилларини шунчалик кўтариб, эътибор берилаётганларидан мамнунлигини ва ҳар бир учрашувни интизорлик билан кутишларини изҳор қилишди.

Нилуфар БОЗОРБОЙ қизи

 

 

Страница 3 из 819

Мақолалар

Top