muslim.uz

muslim.uz

Ўзбекистон мусулмонлари идораси тасарруфидаги барча ўрта махсус ислом таълим муассасаларида 2019-2020 ўқув йили учун 2019 йилнинг
13 июль куни қабул имтиҳонлари бошланди. Бугунги кунда республикамизда 9 та ўрта махсус ислом таълим муассасалари фаолият олиб бормоқда. Шундан, 7 таси ўғил болалар учун, 2 таси аёл-қизлар учун мўлжалланган.

Мазкур таълим муассасаларига 2019-2020 ўқув йили бўйича жами
4252 нафар абитуриент ҳужжат топширган бўлиб, ушбу кўрсаткич ўтган 2018-2019 ўқув йилида ҳужжат топширган абитуриентлар сонига нисбатан
2,5 баробарни ташкил этмоқда.

Жорий йилдаги қабул жараёнларига юқори даражада тайёргарлик ишлари кўрилган бўлиб, кириш тест синовларини янада шаффоф, очиқ ва ошкора ўтказилишини таъминлаш мақсадида жорий ўқув йилидан бошлаб, тест синовлари Давлат тест маркази томонидан ўтказилмоқда.

Бу йилги тест синовлари барча диний таълим муассасаларида бўйича махсус тайёрланган павильонларда ўтказилмоқда. Мазкур павильонларда тест жараёнларини кузатиб бориш учун кузатув камералари ўрнатилган бўлиб, тест жараёнлари абитуриентларнинг ота-оналари учун катта мониторлар орқали тўғридан-тўғри узатиб борилмоқда. Шунингдек, ота-оналарнинг дам олишлари учун ҳам зарур шарт-шароитлар яратилган.

Абитуриентларни бинога тартибли киритиш, уларнинг хавфсизлиги ва соғлиғини таъминлаш мақсадида Ички ишлар, Миллий гвардия ва тиббиёт ходимлари жалб қилинган.

Тест синовлари эрталаб соат 9:00 да бошланган бўлиб, 12:00 гача давом этади. Абитуриенлар ўрта махсус ислом таълим муассасаларига ўқишга кириш учун “Чет тили”, “Тарих” ва “Маънавият асослари” фанлари бўйича тест синовларини топширмоқда.

 

 

 

 

 

 

 

Ўзбекистон мусулмонлари идораси

Таълим ва кадрлар тайёрлаш бўлими

Четверг, 11 Июль 2019 00:00

ТАЪЗИЯ

Ўзбекистон мусулмонлари идораси жамоаси Муфтий Усмонхон Алимов ҳазратларига укаси Исломхон Алимовнинг вафоти муносабати билан чуқур таъзия изҳор этади.

Аллоҳ таоло охират сафарига кузатилаётган марҳумнинг чеккан заҳматлари, тортган дардларини гуноҳларига каффорат қилиб, барча солиҳ амалларини ўзларига ҳамроҳ айлаб, Ўз мағфиратига олсин.

Ҳақ таоло марҳумнинг аҳли-аёли, фарзанду аржумандларига чиройли сабр бериб, бу мусибатларга ажру мукофотлар ато этсин.

Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан муфтий ҳазратларига ва марҳумнинг яқинларига ҳамдардлик билдирамиз.

Жаноза намози Самарқанд вилояти Иштихон тумани Орлот қишлоғидаги “Орлот” жоме  масжидида жума намозидан  сўнг ўқилади.

Иннаа лиллааҳи ва иннаа илайҳи рожиъуун.

 

Ўзбекистон мусулмонлари идораси

Ўзбекистон Республикаси Президенти Шавкат Мирзиёевнинг 2018 йил 16 апрелдаги “Диний-маърифий соҳа фаолиятини тубдан такомиллаштириш чора-тадбирлари тўғрисида”ги фармонида Ўзбекистон халқаро ислом академияси ташкил этилиши назарда тутилган. Мазкур академия Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита, Олий ва ўрта махсус таълим вазирлиги, Ўзбекистон мусулмонлари идорасининг Ўзбекистон ислом академияси ва Ўзбекистон Республикаси Вазирлар Маҳкамаси ҳузуридаги Тошкент ислом университети негизида ташкил этилиши, шунингдек Халқаро ислом академияси Ўзбекистон мусулмонлари идораси ва Ўзбекистон Республикаси Вазирлар Маҳкамаси ҳузуридаги Дин ишлари бўйича қўмита муассислигидаги Қуръон илмлари, ҳадис, ислом ҳуқуқи, ақида, тасаввуф, ислом иқтисодиёти ва молияси, халқаро муносабатлар, хорижий тиллар (араб, форс, инглиз, рус, урду, турк ва б.) ва бошқа халқаро миқёсда эҳтиёж мавжуд бўлган соҳалар бўйича малакали кадрларни тайёрлаши белгиланган.

Жорий йил 11-июль куни Нукус шаҳри Имом эшон Муҳаммад жоме масжиди мажлислар залида Ўзбекистон хақаро Ислом академияси Қорақалпоғистон Республикаси минтақавий филиали Қорақалпоғистон Республикаси ва Хоразм вилоятидаги диний соҳа ходимларининг малакасини ошириш ўқув-семинарини бошлаш маросими бўлиб ўтди.

Унда Қорақалпоғистон мусулмонлари қозиёти қозиси, республикадаги Олий талим муассасалари профессор-ўқитувчилари, қозиёт ходимлари, имом-хатиблар ва Муҳаммад ибн Ахмад ал Беруний номидаги ўрта махсус ислом билим юрти ўқитувчилари иштирок этди.

 

 

Қорақалпоғистон мусулмонлари қозиёти 

Куни кеча 9 июль куни Ҳадис илми мактабига 2019-2020 ўқув йили учун “Ҳадис ва мусталаҳул ҳадис” ва “Араб тили” фанларидан ижодий имтиҳон бўлиб ўтди. Имтиҳон олиш учун Ҳадис илми мактаби, Ўзбекистон халқаро ислом академияси, Тошкент ислом институтидан жами 12 нафар етакчи профессор-ўқитувчилар жалб этилди. Ижодий имтиҳонларда 53 нафар абитуриент иштирок этмоқда.
Ижодий имтиҳон синовлари жараёнида Ўзбекистон мусулмонлари идораси раиси, муфтий Усмонхон Алимов ҳазратлари, Дин ишлари бўйича қўмита раисининг биринчи ўринбосари Музаффар Комилов, диний-маърифий таълим муассасалари билан ишлаш бўлими бошлиғи Бобомурод Рустамов, Диний идора таълим ва кадрлар тайёрлаш бўлими мудири Салоҳиддин Шерхонов кузатувчи сифатида иштирок этдилар ҳамда имтиҳонлар холис, шаффоф ва адолатли ўтишини назорат қилдилар.
Бугун, 10 июль куни Ҳадис илми мактабига кириш имтиҳонларининг иккинчи куни, “Ўзбекистон тарихи” фанидан тест синовлари соат 8:30 да бошланди. Тест синовларида 51 нафар абитуриент қатнашди.
Тест синовлари ҳужжатлари солиб муҳрланган махсус қоп абитуриентлар ҳамда кузатувчилар гувоҳлигида очилди. Абитуриентларга имтиҳон ҳайъати аъзолари томонидан тест синов варақаларини тўлдириш қоидаларини тушунтирилди.
Шунингдек, имтиҳон ва тест синовларига Пайариқ тумани Ички ишлар бўлими ходимлари ва Пайариқ тумани Тез тиббий ёрдам ходимлари жалб қилиниб, зарур бўлган ҳолатда абитуриентларга зарурий тиббий ёрдам кўрсатиш чоралари кўрилди.
Тест синови жараёнларининг адолатли, шаффоф ва холис ўтиши тўлиқ таъминланмоқда.

Ўзбекистон мусулмонлари идораси Матбуот хизмати

Страница 1 из 1282
Top