НИШОНГА УРИЛГАН ГАПЛАР

Нишонга урилган гаплар: “Агар оғриқни ҳис қилсанг, демак, тириксан. Агар бошқаларнинг оғриқларини ҳам ҳис қилсанг, демак, инсонсан”

Қуйида келтириладиган фикрлар, ҳикматлар ижтимоий тармоқлардаги турли саҳифалардан олиб таржима қилинган. Бундан ташқари саҳобаи киромлар, улуғ олимлар, Яқин Шарқ, Осиё, Европа ва Америка мутафаккирларининг бир қатор фикрлари ҳам берилган.

*****

Агар сенга нисбатан ҳасад қилувчи одам бўлмаса, демак, сен муваффақиятсиз киши экансан.

Муҳаммад Шаъровий раҳимаҳуллоҳ

*****

Бошқаларнинг оғизларини беркитолмасанг, унда ўзингнинг қулоқларингни беркит!

“Фикр дурдоналари”

*****

Агар улар девор устида кетаётган чумолини кўриб қолсалар, у йўлини ўзгартириши учун ўша ерга бармоқларини қўйиб турадилар. Ана шундай кимсалардан сени ўз ҳолингга қўйишларини кутяпсанми?

“Тарих муҳрлаган сўзлар”

*****

Қурол қўрқоқларининг қўлида, мол-пул ўғриларининг қўлида, қалам-ручка мунофиқларининг қўлида бўладиган халқда яхшилик йўқ.

“Тарих муҳрлаган сўзлар”

*****

Бир киши ўзининг кўриниши, кийимларининг бежиримлиги билан мақтанди. Шунда Суқрот: “Гапирчи, шунда қандайлигингни биламан” деди.

“Тарих муҳрлаган сўзлар”

*****

Яхшилик қил! Куни келиб қилган яхшилигинг сенга ўзинг кутмаган томондан қайтади.

“Тарих муҳрлаган сўзлар”

*****

Вафо – олдингда қилинаётган иш билан эмас, балки ортингдан нималар содир бўлиши билан ўлчанади.

“Тарих муҳрлаган сўзлар”

*****

Агар оғриқни ҳис қилсанг, демак, тириксан. Агар бошқаларнинг ҳам оғриқларини ҳис қилсанг, демак, инсонсан.

“Тарих муҳрлаган сўзлар”

 

 

Интернет материалларидан тўплаб, таржима қилувчи

Нозимжон Иминжонов

 

 

1120 марта ўқилди
Top