Дунё янгиликлари

Бишкекда Марказий Осиёдаги энг катта масжид қурилади

 

 

Қирғизистон Республикасининг олий муфтийси Мақсат ҳожи Тўхтамишевнинг айтишича, жорий йилнинг сантябрь ойида Бишкекда Марказий Осиёдаги энг йирик масжид ўз фаолиятини бошлайди. Бу ҳақда islam-today интернет сайтига таяниб Азон нашри хабар берди.

 

“Масжид Усмонли турклар даври меъморчилиги асосида қурилади. Ўйлаймизки, бу иншоот Қирғизистоннинг безагига айланади”, дея фикр билдирган Қирғизистон муфтийси.

 

Марказий масжид Имом Сарахсий деб номланиши кутилмоқда. Қурилиш 2012 йилда бошланган. Унга Туркиянинг “Диёнат” фонди томонидан 25 миллион доллар ажратилди. Масжидга 8 минг киши, умумий ҳудудига эса 20 минг киши жойлашиши мумкин бўлади.

 

Айни пайтда Марказий Осиёдаги энг йирик масжид — Остонадаги “Ҳазрат Султон” масжиди ҳисобланади. У 11 гектарлик ҳудудда жойлашган бўлиб, умумий майдони 17 минг квадрат метрдан ортиқ. Сиғими эса 5 минг кишини ташкил қилади.

 

ЎМИ Матбуот хизмати



461 марта ўқилди

Янгиликлар

Top