Дунё янгиликлари

Британия нашри Ўзбекистоннинг зиёрат туризми ҳақида маълумот берди

Буюк Британиянинг bbc.co.uk сайти ўзининг инглизча талқинида Ўзбекистоннинг зиёрат туризми марказларидан бирига айланиб бораётгани ҳақида катта мақола эълон қилди. Ушбу мақолада Ўзбекистон ҳудудидаги диний бағрикенглик, динлар ва миллатлар ўртасидаги тотувликнинг айрим жиҳатлари ёритилган.

Мақолада Ўзбекистоннинг жаҳон динлари маркази сифатидаги ўрни, мусулмонлар, насронийлар, яҳудийларнинг зиёратгоҳлари мавжудлиги айтилган.

Самарқанд ва Бухоро шаҳарларининг Буюк ипак йўли тармоқларидаги асосий шаҳарлар бўлгани ушбу ҳудудда турли диний конфессияларнинг пайдо бўлишига имконият яратган.

Икки минг йилдан ортиқ тарихга эга шаҳарлар Индонезия, Туркия ва Малайзия сингари мамлакатларидан зиёратчиларни жалб қилади.

ЎМИ Матбуот хизмати

204 марта ўқилди

Янгиликлар

Top