Дунё янгиликлари

Жибутининг энг катта масжиди қурилиши якунланмоқда

Жибутининг айни номдаги пойтахтида “Абдулҳамидхон II” масжидининг қурилиши якунига етиш арафасида. Бу ҳақда қурилиш ишларини олиб бораётган Туркиянинг “Диёнат вақфи” маълум қилди.

Азон интернет нашрининг маълум қилишича, масжид қурилиши 2015 йилда бошланган бўлиб, бино усмонийлар меъморчилиги услубида барпо этилган. Фойдаланишга топширилганида масжидда бир пайтнинг ўзида беш минг киши намоз ўқий олади.

Маълумот учун, Жибути Шарқий Африкада жойлашган кичик давлат бўлиб, аҳолисининг 94 фоизи мусулмонлардан иборат.

Ўзбекистон мусулмонлари идораси Матбуот хизмати

594 марта ўқилди

Янгиликлар

Top