Мисрнинг Порт Саид шаҳрида ўтказилган иккинчи Халқаро Қуръони карим мусобақаси ўз якунига етди. Ушбу мусобақа ғолибларини тақдирлаш маросими жорий йилнинг 5 март куни бўлиб ўтган. Бу ҳақда Sadi al-balad нашри хабар берди.
Ушбу Қуръони карим мусобақаси мисрлик машҳур қори Абдул Басит Абдул Самад шарафига жорий йилда иккинчи бор ташкил этилган.
Бу йилги мусобақада 29 мамлакатдан 55 нафар иштирокчи ўзаро куч синашган. Мусобақа уч йўналишда ўтказилган.
Мусобақа ҳакамлар ҳайъати таркибида Ал Азҳар университети уламолари, Миср, Судан, Марокаш ва БААлик қорилар ўрин олгани айтилмоқда.
Ўзбекистон мусулмонлари идораси Матбуот хизмати
