Дунё янгиликлари

Янги Зеландияда йирик исломий марказ иш бошлайди

Янги Зеландиянинг Марлборо шаҳрида қад ростлаши кутилаётган ушбу исломий марказ, аввало мусулмонларни тинч-хотиржам ибодат қилишларини таъминлашни ўз олдига мақсад қилган. Бу ҳақда марказ ташкилотчиларига таяниб IQNA агентлиги маълум қилди.

Ушбу марказ исломий билимлар бериш билан бир қаторда, вақтинча қўнимгоҳ вазифасини ҳам бажаради. Минтақадаги мусулмонларнинг кўпчилигини бошқа юртлардан кўчиб келган муҳожирлар ташкил этмоқда. Улар шаҳарда истиқомат қилиш ёки бошқа жойга кўчмоқчи бўлсалар, вақтинча ушбу марказда қўним топишлари мумкин.

Ташкилотчилар марказ фаолиятини тўлиқ йўлга қўйиш учун шифокор ва ўқитувчи каби мутахассис мусулмонларни ишга таклиф этмоқдалар.

Ўзбекистон мусулмонлари идораси Матбуот хизмати

223 марта ўқилди

Янгиликлар

Top