2019 йилги Ҳаж мавсуми учун Ингушетия Республикаси аҳолиси сонидан келиб чиқиб 1400 нафар зиёратчи учун квоталанган ўрин ажратилган эди. Ушбу ўринлар тўлиқ қоплангани сабабли жорий йилги Ҳаж зиёратига 1400 нафар ингушетияликлар бориши маълум қилинган.
Ҳаж масалалари билан шуғулланувчи "Иман Тур" компанияси бош директори Ахмед Теркакиевнинг айтишича, зиёратчилар гуруҳи, тиббиёт ходимлари гуруҳлари аллақачон шакллантирилган. Зиёратчилар жорий йилнинг 30 июлидан 2 августига қадар бир нечта авиарейс орқали Саудия Арабистонига юборилади.
Зиёратчилар учун ўқув-семинарлари, танишув дарслари ташкил этилган.
Ўзбекистон мусулмонлари идораси Матбуот хизмати