Саудия Арабистони подшоҳлиги информация ва маданият вазирлиги ҳузуридаги халқаро алоқалар марказининг хабар беришича, 2016 йилги Ҳаж мавсумида мамлакатга 1,86 миллион зиёратчи ташриф буюрган. Жорий мавсумда эса уларнинг адади 2 миллион киши экани маълум қилинди.
Марказ берган маълумотга кўра, бугунги кунгача 1,5 миллиондан ортиқ зиёратчи етиб келган.
Шуни алоҳида таъкидлаш жоизки, бу йилги Ҳаж мавсумида зиёратчиларнинг ҳавфсизлигига жуда катта эътибор қаратилган. Улар Ҳаж амалларини эмин-эркин, хотиржам бажаришлари учун 17 минг нафардан кўпроқ масъуллар жалб этилган.
Халқаро алоқалар бўлими
