Истанбулда 57 мамлакатдан ташриф буюрган вакиллар иштирокида “Умумжаҳон ҳалол саммити” ва “Ҳалол экспо-2017” кўргазмаси давом этмоқда.
Кўргазма давомида Ислом Ҳамкорлик Ташкилотининг “V Ҳалол” кўргазмаси ҳам бўлиб ўтмоқда. Унда Ислом Савдо ривожланиш маркази ва Ислом стандартлари институти қатнашмоқда.
“Ҳалол экспо-2017” дастурида “Ислом молиялари”, “Ҳалол тиббиёт, фармацевтика ва кимё”, “Ҳалол озиқ-овқат саноати”, “Ислом туризми”, “Ҳаж ва Умра” ва шу каби бошқа мавзуларда конференция ва семинарлар ўтказиш кўзда тутилган.
Саммит ва кўргазма 25 ноябрь кунига қадар давом этади.
Моҳира Зуфарова
Халқаро алоқалар бўлими
