Дунё янгиликлари

Москвада “Ҳалол” кўргазма иш бошлади

Кеча, 5 февраль куни Россия Федерациясининг Москва шаҳрида йирик халқаро озиқ-овқат “ПРОДЭКСПО – 2018” кўргазмаси бошланди. Бу ҳақда “prod-expo.ru” сайти хабар бермоқда. 

Кўргазманинг 5-9 февраль кунлари давом этиши маълум қилинган. Ушбу кўргазма доирасида иккинчи йил “Ҳалол” маҳсулотлар ишлаб чиқариш бўйича етакчи “Halal Eurasia at Prodexpo” ташкилотчилик қилаётгани айтиб ўтилган. 

Кўргазманинг биринчи кунида иштирокчиларга “Жерри Вингс”нинг дунёдаги энг катта ҳалол бургери тақдим қилинди. Кўргазма давомида “Халқаро ҳалол форуми” ҳам ўтказилиши режалаштирилган. Форумда халқаро “Ҳалол” сертификати қандай олиниши борасида сўз боради. 

Кўргазма якунида тақдирлаш маросими ҳам ўтказилиб, “Продэкспо-2018”нинг “Энг яхши ҳалол” маҳсулоти тақдирланади. 

Лойиҳа ташкилотчилари Россия муфтийлар кенгаши қошидаги “Ҳалол” халқаро стандартлаштириш-сертификатлаштириш маркази ҳамда Россия мусулмонлари бошқармаси ҳисобланади.

ЎМИ Матбуот хизмати

611 марта ўқилди

Янгиликлар

Top