Саудия Арабистони Подшоҳлигининг Ҳаж ва Умра ишлари бўйича вазирлиги ҳаж зиёратчиларига қулайлик тақдим этиш мақсадида, 2018 йилги ҳаж мавсумида тажриба тариқасида Мино водийсидаги хаймаларнинг бир қисмини икки қаватли кроватлар билан жиҳозламоқчи.
Ҳаж ва умра ишлари бўйича вазирлик мулозимига кўра, бу каби тадбирлар келгусида хавфсизлик ва саломатлик жиҳатидан ҳожиларга қўшимча қулайликлар тақдим этади.
Мазкур тажриба дастлаб Узоқ Шарқ ҳожилари, хусусан, Малазия ва Индонезия ҳожиларининг бир қисмида ўтказилади.
Вазирлик мулозимининг қўшимча қилишича келгусида ҳожиларга янада кўплаб бошқа қулайликлар тақдим этиш режалаштирилмоқда.
Интернет маълумотлари асосида
Мақсуд Каримов тайёрлади
