Дунё янгиликлари

Германия мусулмонлар билан мулоқотни кенгайтирмоқчи

Ўз тизимини кенгайтирган Германия Ички ишлар вазирлиги эндиликда мамлакатда ҳар йили ўтказиладиган исломий конференциялар доирасида мусулмон жамияти билан маслаҳат-мажлисларини кўпайтиришга қарор қилди.

Вазирлик бошқаруви вакилларидан бўлган Маркус Кербернинг маълум қилишича, Германия ҳукумати мамлакатдаги кўп қиррали мусулмон жамияти тизимини исломий конференциялар ёрдамида тартибга солиш ва мусулмонлар жамиятини ташкил қилаётган омилларни яхшилаб ўрганиб чиқишни режалаштирган.

Эслатиб ўтиш жоиз, 2006 йилда Германиянинг ўша вақтдаги Ички ишлар вазири Вольфганг Шойбле ҳукумат ва мусулмонлар жамоаси орасида мунтазам олиб бориладиган очиқ мулоқотлар учун форумга асос солган эди.

“Агарда Ислом дини ҳам Германиянинг бир қисмига айланишини исташса, у ҳолда мусулмонлар бизнинг конституциямизга мослаштирилган “олмонча ислом”ни яратишлари лозим”, дейди Маркус Кербер.

ЎМИ Матбуот хизмати

233 марта ўқилди

Янгиликлар

Top