Макка шаҳрида ҳаж ибодатини ниҳоялаган юртдошларимиз энди Она Ватанга қайтиш учун тараддуд кўрмоқдалар. Ана шундай бир гуруҳ ҳожиларимиз Наманган вилоятидан ташриф буюрган юртдошларимиздир. Барчаларининг тилларида шукроналик, дилларида эзгулик, қўлларини дуога очиб, Яратгандан қилган тоат-ибодатларининг қабул бўлишини, оилалари тинч, фарзандлари баркамол ва халқимиз ҳамиша омонда бўлишини сўраб дуо-ю хайрлар қилмоқдалар.