Италия пойтахти Римда БМТнинг Озиқ-овқат ва қишлоқ хўжалиги ташкилоти (ФАО) ҳамда Жаҳон соғлиқни сақлаш ташкилоти томонидан икки кунлик халқаро анжуман бўлиб ўтди. Унда бугун жаҳон ҳамжамиятини ташвишга солаётган очлик, нотўғри овқатланиш, ёшларнинг носоғлом улғайишлари каби масалалар муҳокама қилинди. Хусусан, дунё бўйлаб 800 миллион киши очликдан, 1,9 млрд киши ортиқча вазнликдан азият чекаётгани, 5 ёшгача бўлган 150 млн болалар нотўғри овқатланиши оқибатида ёшига нисбатан ортда қолаётгани таъкидланди.

 “Озиқ-овқат масаласи жамиятнинг бош муаммоси ҳисобланади. Шу боис, бу масала ҳамиша давлат ҳимояси ва назорати остида бўлиши керак”, деди анжуман очилишида нутқ сўзлаган Бирлашган Миллатлар Ташкилотининг Озиқ-овқат ва қишлоқ хўжалиги ташкилоти раҳбари Жозе Гратциану да Силва.

Даврон НУРМУҲАММАД

тайёрлади