Ўзбекистон янгиликлари

Шавкат Мирзиёев Ҳиндистондаги ҳалокат юзасидан ҳамдардлик билдирди

Ўзбекистон Республикаси Президенти Шавкат Мирзиёев Ҳиндистон Республикаси президенти Рам Натҳ Ковиндга, Бош вазири Нарендра Модига ва дўст Ҳиндистон халқига Панжоб штатининг Амритсар шаҳрида юз берган темир йўл фожиаси оқибатида кўплаб инсонларнинг ҳалок бўлиши муносабати билан чуқур таъзия билдирди.

ТИВ хабарига кўра, давлат раҳбари қурбон бўлганларнинг оилаларига ва яқинларига самимий ҳамдардлик ва далда сўзларини изҳор этган, жароҳатланганларга эса тез муддатларда соғайиб кетишларини тилаган.

Ҳиндистоннинг Амритсар шаҳрида (Панжоб вилояти) йўловчи поезди катта тезликда одамларни уриб юборди. Фожиа оқибатида 50 нафардан кўпроқ одам ҳаётдан кўз юмган.

Ҳалокат 19 октябрь кечки пайт юз берган. Фожиа вақтида темир йўл изларида 300 дан 700 гача киши туриб, миллий маросимни томоша қилишаётган бўлган.

ЎМИ Матбуот хизмати

303 марта ўқилди

Янгиликлар

Top