Ўзбекистон янгиликлари

“Вақф” фонди раҳбари ватандош Абу Ёсир ал-Бухорий билан учрашди

Куни кеча 6 январь куни Фонд раҳбари Искандар Халилов Саудия Арабистонидаги таниқли ватандош Абу Ёсир ал-Бухорий билан учрашди. Мулоқотда Фонд раҳбари сўнгги икки йилда муҳтарам Президентимиз ташаббуси билан диний қадриятларини асраб-авайлаш ва тарғиб этиш борасида катта ишлар амалга оширилгани, Ислом цивилизацияси маркази, Халқаро ислом академияси, Имом Бухорий, Имом Термизий каби илмий-тадқиқот марказлари барпо этилгани, диний таълим олиш имконияти кенгайгани ва мўмин-мусулмонларга қулай шароитлар ташкил этилгани ҳақида гапириб берди. Жумладан, давлатимиз Раҳбари ташаббуси билан ташкил этилган “Вақф” хайрия жамоат фондининг ўтган қисқа даврдаги хайрия ишлари ва истиқболдаги лойиҳалари ҳақида батафсил маълумот берди.
Абу Ёсир ал-Бухорий Ўзбекистонда амалга оширилаётган хайрли ислоҳотларга юқори баҳо бериб, Саудия Арабистонида яшайдиган ўзбек ватандошлар сўнгги вақтларда юртда бўлаётган ижобий ўзгаришлардан жуда ҳам мамнун эканлари, доимо хайрихоҳлик билдириб келишлари ва Ҳақ таолодан мана шундай неъматларини бундан-да зиёда айлашини дуоларида мудом эслашларини сўзлаб берди. Абу Ёсир ал-Бухорий “Вақф” фондининг фаолиятини ўзбек ватандошлар қўллаб-қувватлашга тайёр эканини билдирди.
Cафар давом этмоқда.


“Вақф” хайрия жамоат фонди Матбуот хизмати

663 марта ўқилди

Янгиликлар

Top