"Вақф" хайрия жамоат фонди ташкил этилганидан буён бир қанча муҳтож оилаларнинг уй-жойга эга бўлиши борасида кўплаб хайрли ишларни ҳомийлар кўмагида амалга ошириб келмоқда. Хонадонлар турли офатлардан азият чеккан ва боқувчисини йўқотган оилалар учун барпо этилди.
Шундай хайрли ишлардан навбатдагиси Қашқадарё вилоятида амалга оширилди. Ҳомийлар ёрдамида янгидан қурилган Х.Жанонованинг хонадонига Фонд раҳбари Искандар Халилов ташриф буюриб, ушбу оила аъзоси бўлган, кураш бўйича Ўзбекистон чемпиони, ҳозирги вақтда умуртқа поғонасидаги жароҳат туфайли ногиронга бўлиб қолган Ш.Бердиевнинг ҳолидан хабар олди. Фонд томонидан Ш.Бердиевга ногиронлик араваси тақдим этилди. Унинг ҳаққига дуои хайр қилиниб, муҳтож инсонлар Фонд ва унинг саховатли ҳомийлари кўмаги остида эканликлари қайд этилди.
Аллоҳ таолодан хайрияпарвар ҳомийларимизга муҳтож инсонларга кўрсатаётган кўмаклари учун улкан ажрлар беришини сўраймиз.
"Вақф" хайрия жамоат фонди Матбуот хизмати
