Алҳамдулиллаҳ, Ўзбекистон мусулмонлари идораси тизимидаги масжидлар сони яна биттага кўпайди!
Фарғона вилояти Адлия бошқармаси Ўзбекистон туманидаги “Ўқчи” жоме масжидини давлат рўйхатидан ўтказди, бу тўғридаги гувоҳномани жоме ходимларига топширди.
Янги масжид туманнинг “Ўқчи” маҳалласи ҳудудида жойлашган. Масжид ҳам шу маҳалла номи билан аталди.
Маълумот учун, ушбу жоме очилиши билан Республикамиздаги масжидлар сони 2084 тага, Фарғона вилоятидаги масжидлар сони 200 тага етди.
Эслатиб ўтамиз, куни кеча Сурхондарё вилояти (http://muslim.uz/index.php/yangiliklar-2016/uzbekistan/item/25316) ва Қорақалпоғистон Республикасида (http://muslim.uz/index.php/yangiliklar-2016/uzbekistan/item/25323) очилган янги масжидлар ҳақида хабар берган эдик.
Аллоҳдан ушбу масжидга ҳисса қўшган барчадан рози бўлсин, уни мўмин-мусулмон халқимизга муборак қилсин!
Ўзбекистон мусулмонлари идораси матбуот хизмати