Ўзбекистон янгиликлари

Тошкент шаҳри ва Тошкент вилоятида ўтказиладиган Китоб сайлига марҳамат

Аввалроқ, Ўзбекистон Республикаси Президентининг 2017 йил 12 январдаги "Китоб мутолааси китобхонлик маданиятини ошириш ҳамда тарғибот қилиш ҳақида"ги фармойиши ҳамда Ўзбекистон мусулмонлари идорасининг кўрсатмасига асосан турли ҳудудларда "Китоб сайли" ташкил этилаётгани ҳақида хабар берган эдик.

"Мовароуннаҳр", "Ҳилол-нашр", "Янги аср авлоди", "Шарқ" ва "Ғафур Ғулом" нашриётлари иштирок этаётган ушбу сайллар жума айёми муносабати билан туман-шаҳарлардаги жоме масжидларида ташкил этилмоқда.

Бу эса кўпчилик юртдошларимизнинг эътирофига сазавор бўлмоқда. Ушбу сайлларда диний-маърифий мавзудаги китобларни нашриёт нархида исталган усулда харид қилишингиз мумкинлигини эслатиб ўтамиз.

Бугун, 10 август куни Тошкент вилояти ва Тошкент шаҳрининг қуйидаги масжидларида Китоб сайли ташкил этилади.

1. Тошкент вилоятининг Нурафшон шаҳар "Тўй тепа" жоме масжидида бўлиб ўтади (масъул шахс Ж.Туронов +998 90 327 62 57).

2. Тошкент шаҳридаги Тепамасжид жоме масжидида ташкил этилади (А.Маматов 990 54 96).

3. Тошкент шаҳридаги Ал Бадр жоме масжидида ташкил этилади (О.Холмуродов 299 50 38, 293 43 37).

ЎМИ Матбуот хизмати

354 марта ўқилди

Янгиликлар

Top