Ўзбекистон янгиликлари

Саудия подшосининг ўзбекистонлик меҳмонлари ҳақида биласизми?

Муқаддас ойларда мусулмонлар учун фарз саналган Ҳаж зиёратини амалга ошириш учун бутун дунёдан 3 миллиондан ортиқ кишилар Макка ва Мадина шаҳарларига етиб бордилар. Улар учун яратилган шароитлар, ибодат жараёнлари борасида порталимиз орқали танишитириб бормоқдамиз.

Эндиликда сиз ўқувчиларимизга Саудия Арабистони подшоҳининг таклифига асосан Ҳаж зиёратини адо этиш учун борган ўзбекистонлик зиёратчилар ҳақида маълумот бермоқчимиз.

Ушбу гуруҳ жорий йилнинг 12 август куни Саудия Арабистонининг Макка шаҳрига ташриф буюрдилар ва гуруҳга Салоҳиддин домла Шарипов бошчилик қилмоқдалар. Гуруҳ таркибида 17 нафар ватандошларимиз бўлиб, Макка шаҳридаги Дорул Байзоо меҳмонхонасида истиқомат қилган ҳолда ибодатларни адо этмоқдалар.

Юртдошларимизнинг зиёратлари жараёни ҳақида порталимизда қўшимча маълумотларни эълон қилиб борамиз. Бизни кузатишда давом этинг.

ЎМИ Матбуот хизмати

991 марта ўқилди
Мавзулар

Янгиликлар

Top