Uzoq Sharq musulmonlari diniy idorasi raisi, Uzoq Sharq muftiysi Ahmad hazrat G'arifullin O'zbekiston musulmonlari idorasi raisi, muftiy, shayx Nuriddin Holiqnazar hazratlariga minnatdorchilik maktubi yo'lladi.
Unda O'zbekiston musulmonlari idorasi rahbariyatiga Saxalin orolida Ramazon oyi tadbirida xizmat ko'rsatishni tashkil etishdagi ko'rsatgan yordami uchun minnatdorchilik bildirilgan.
“Biz sizning qo'llab-quvvatlashingiz va g'amxo'rlik ko'rsatganingizni chin qalbdan qadrlaymiz. Kelgusi hamkorligimizdan umidvormiz hamda musulmonlarni birlashtirish va Qodir Allohning dinini mustahkamlashga ko'maklashish yo'lidagi birgalikdagi sa'y-harakatlarimiz bundan keyin ham o'z samarasini berishiga ishonamiz”, deyiladi tashakkurnoma matnida.
O'zbekiston musulmonlari idorasi Matbuot xizmati
O‘zbekiston Respublikasi davlat mustaqilligining 34 yilligi munosabati bilan tizimdagi diniy soha xodimlari o‘rtasida “Vatan uchun, millat uchun, xalq uchun!” shiori ostida tashkil etilgan aql sporti — “Shaxmat” va “Shashka” musobaqalari o‘z yakuniga yetdi.
Tadbirda Buxoro viloyati hokimining o‘rinbosari Azizbek Qalandarov va O‘zbekiston musulmonlari idorasi Buxoro viloyati vakili, Mir Arab oliy madrasasi rektori Jobir domla Elov ishtirok etdi. Ular istiqlol bayrami munosabati bilan barchani samimiy tabriklab, bunday aqliy musobaqalarning ahamiyati yuqori ekanini ta’kidladi.
Imom-xatib va imom-noiblar ishtirokida o‘tgan bellashuvlar qizg‘in va shiddatli ruhda kechdi.
Shaxmat musobaqasi g‘oliblari:
1-o‘rin — Isoyev Mustaqim, Shofirkon tumani "Qori Fazliddin" masjidi imom-xatibi
2-o‘rin — Shukrullayev Qurbon, Vobkent tumani "Abdulazizxon" masjidi imom-xatibi
3-o‘rin — Odilov Haydarjon, Kogon tumani "Xo‘ja Ka’bul Axbor Vali" masjidi imom-xatibi
Shashka musobaqasi g‘oliblari:
1-o‘rin — Najmidinov G‘ayrat, Romitan tumani "Mahallai-bolo" masjidi imom-xatibi
2-o‘rin — Oripov Olim, Shofirkon tumani "Ahad hoji Qilich o‘g‘li" masjidi imom-xatibi
3-o‘rin — Bozorov Vahobiddin, Peshku tumani "Chiqirchi" masjidi imom-xatibi
G‘olib va sovrindorlar tashakkurnoma va qimmatbaho sovg‘alar bilan taqdirlandi.
O‘zbekiston musulmonlari idorasi
Buxoro viloyati vakilligi
Matbuot xizmati