Ulamolar iqlim o'zgarishi haqida fikr almashdi
Indoneziyada musulmonlar oqsoqollari kengashi tomonidan “Dinlar va iqlim o'zgarishi” mavzusida anjuman tashkil etildi.
Anjuman doirasida “Diniy e'tiqodlar atrof-muhitni muhofaza qilish bo'yicha xabardorlikni qanday shakllantiradi” mavzusida davra suhbati bo'lib o'tdi.
Tadbirda Musulmonlar oqsoqollar kengashi a'zosi, Malayziyaning sobiq Din ishlari vaziri doktor Zulkifli Muhamad Al-Bakri odamlarni ekologik muammolardan xabardor qilishga qaratilgan diniy tushuncha va qadriyatlar haqida ma'lumot berdi.
Al-Bakriy dinning ma'naviy-axloqiy nufuzi va sayyoramizdagi milliardlab odamlar ongiga chuqur ta'siri tufayli HHI asrda atrof-muhitni muhofaza qilishda ulkan ahamiyat kasb etishi mumkinligini ta'kidladi, deb yozadi “Islamnews” see.news ga tayanib.
Indoneziyaning “Nahdatul-ulama” islom tashkiloti raisi o'rinbosari Zulfa Mustofa dindorlar uchun ko'rsatma va tavsiyalarni shakllantirish uchun ekologiya mavzusida diniy-huquqiy tadqiqotlar olib borish zarurligini ta'kidladi.
O'zbekiston musulmonlari idorasi
Matbuot xizmati
Ulug‘ ajdodimiz me’rosiga oid respublika ilmiy-amaliy anjumani o‘tkazildi (foto+)
Bugun, 30 iyun kuni Xorazm Ma’mun akademiyasida "Najmiddin Kubro ma’naviy-ma’rifiy merosi va uning zamonaviy tadqiqi" mavzusida respublika ilmiy-amaliy konferensiyasi bo‘lib o‘tdi.
Mazkur anjuman Davlatimiz rahbarining Najmiddin Kubro tavalludining 880 yilligini keng nishonlash to‘g‘risida ilgari surgan tashabbusi doirasida ulug‘ ajdodimizning ilmiy va ma’naviy merosini chuqur o‘rganish, bu merosni zamonaviy tadqiqot metodlari asosida tahlil qilish hamda uning umuminsoniy va milliy qadriyatlar tizimidagi o‘rnini belgilash maqsadida tashkil etildi.
Anjuman doirasida Najmiddin Kubroning tasavvufiy va ma’rifiy g‘oyalari, ularning zamonaviy ma’naviy-axloqiy muammolarni hal etishdagi o‘rni, allomaning hayoti va faoliyatiga oid tarixiy manbalar, asarlarining bugungi kundagi ilmiy va amaliy ahamiyati, kubroviylik ta’limotining tarixi va bugungi holati, shuningdek, ushbu ta’limotning keyingi tasavvuf maktablariga ta’siri keng muhokama etildi.
O‘zbekiston musulmonlari idorasi
Matbuot xizmati
- «
- »