Қуръон мусобақасидан: Абдулҳаким қори Жўраев
Имом Табаронийдан келган ривоятда Абу Бакр Сиддиқ (розияллоҳу анҳу) айтадилар: «Ким Қуръон ўрганган бўлса ва ўзидан бошқа кишига унга берилган Қуръондан ҳам афзалроқ нарса берилган, деб билса, кичик нарсани улуғ санаган ва улуғ нарсани кичик санаган бўлади».
Дарҳақиқат, Аллоҳ кимнингки қалбига каломини жо қилган бўлса, барча нарсаларнинг афзали берилибди. «Ўзбекистон қуръон мусобақаси – 2018» танловининг дастлабки босқичида Қўштепа тумани ҳудудидан қатнашиб, ўзининг гўзал тиловати билан мухлислар қалбидан жой олган ҳамда сўнгги натижаларга кўра Ҳифз йўналиши (26-40 ёш)да фахрли иккинчи ўринни қўлга киритган Абдулҳаким Жўраев (Ёзёвон тумани) ҳам ана шундай чексиз неъмат соҳибларидан бири.
ЎМИ Матбуот хизмати
Мурувватли бўлиш — олий фазилат ва инсоний бурчдир
Бугун, 18 сентябрь куни Ўзбекистон мусулмонлари идораси раиси, муфтий Шайх Нуриддин Холиқназар ҳазратлари Қорақалпоғистон Республикасига хизмат сафари давомида Нукус шаҳридаги “Имом эшон Муҳаммад” жоме масжидида жума намозини адо этдилар.
Муфтий ҳазратлари намоздан олдин жамоатга “Мурувватли бўлиш — олий фазилат!” мавзусида манфаатли маъруза қилиб бердилар.
Маърузада таъкидланганидек, мурувват — меҳр-шафқат, саховат ва муҳтожларга ёрдам бериш каби энг гўзал инсоний фазилатлардан саналади. Ўзини саховатли деб билган инсон ўз манфаатини ўзгалардан устун қўймаслиги, кексалар ҳолидан хабар олиши, йиқилганни суяш орқали қалбан хотиржамлик топади.
Шунингдек, бугунги тезкор замонда бир-биримизга бағрикенг бўлиш жамиятда тинчлик, барака ҳамда ҳамжиҳатликни барқарор қилиши, ушбу олий фазилатни ўзимизда шакллантириб, фарзандларимизга мерос қолдириш ҳар биримизнинг бурчимиз эканлиги алоҳида уқтирилди.
Файзли суҳбат якунида юртимизга тинчлик-омонлик ва хонадонларимизга барака тилаб хайрли дуолар қилинди.
Ўзбекистон мусулмонлари идораси Матбуот хизмати
- «
- »