Саъдуддин Тафтазонийнинг “Шарҳ ал-Ақоид ан-Насафия” асарини ўзбек тилига илмий-изоҳли таржима қилиш доирасида нашр этилган хорижий мақолалар, бугунги кун муаммоларини таҳлил қилиш, янги ғояларни илгари суриш, ёшларга таълим-тарбия бериш ва ёт ғояларга қарши курашиш бўйича амалий тавсияларни ўз ичига олади.
 

Бундай мақолаларни таҳлил қилишда назарий асослар, муаммо ва ечимларни муҳокама қилиш ҳамда рақобатлашувчи таълим тизимларидан фойдаланиш каби мавзуларни қамраб олгани билан аҳамиятли.

Ушбу асарни ўзбек тилига илмий-изоҳли таржима қилиш доирасида хорижнинг нуфузли журналларида чоп этилган мақолалар ўта муҳим илмий ва диний-маърифий манба ҳисобланади.

Бу мақолалар:

• Шарҳ ал-Ақоид ан-Насафия” асарининг мазмуни, калом илми таълимотидаги ўрни ва аҳамияти бўйича таҳлилларни қамраб олади;
• Асарнинг замонавий дунёдаги роли ва ёшларнинг маънавий камолатига таъсирини очиб беради;
• Асардан олинган билимлар ёт ғояларга қарши самарали раддиялар бериш учун муҳим замин бўлиши айтилади;
• Ушбу асарнинг халқимиз тарихи ва маданияти билан боғлиқ муҳим диний қадриятларни ҳимоя қилиши ёритилади;
• Ёшлар ва жамиятдаги ижтимоий муаммоларни ҳал қилиш борасида хорижлик муаллифлар тарафидан олиб борилган мавзуга оид тадқиқот ва таҳлилларни кўрсатиб беради;
• Миллий ва диний қадриятларни шакллантиришга алоқадор хорижий тажрибалар, жумладан, таълимда инновацион усулларни кашф этади;
• Хорижий мақолаларда ёт ғоялар, экстремизм ва терроризмга қарши курашишга оид замонавий тенденциялар ва уларга қарши кураш механизмлари ҳақидаги маълумотларни жамлаб беради.

Мухтасар айтганда, ушбу мақолалар лойиҳанинг самарадорлигини кўрсатиб, ёшларни маънавий ва диний билимлар билан бойитишда муҳим восита бўлиши, шубҳасиз.

Умуман олганда, мазкур асарни ўзбек тилига таржима қилиш асносида лойиҳа аъзолари томонидан муҳим натижаларга эришилганлигини таъкидлашимиз лозим.

Лойиҳа доирасида 7 та илмий-оммабоп китоб ва рисолалар нашр қилинди. 2 та андроид ва мультимедия дастури тайёрланди. Хорижнинг нуфузли журналларида 21 та, республикамиздаги илмий (ОАК) нашрларида 30 та, мамлакатимиздаги анжуман материалларида 19 та жами 70 та илмий мақола ва тезислар чоп этилди.

Ўзбекистон мусулмонлари идораси тизимидаги диний-маърифий сайт ва бошқа каналларда “Шарҳ ал-Ақоид ан-Насафия” асари, унинг муаллифи ва мавзуга доир 10 га яқин мақола ва хабарлар кенг ёритилди. Бу натижалар лойиҳанинг самарадорлиги, кўлами ва аҳамиятини кўрсатади.

Лойиҳа доирасида олинган илмий натижалар ва нашр этилган китоб ва мақолалардаги материаллардан, манбашунослик, исломшунослик, ҳамда ислом тарихи бўйича олиб бориладиган тадқиқотларда, таълим жараёнида фойдаланиш ва унинг замонавий ўқув-курсларини тайёрлашда муҳим манба  бўлиб хизмат қилади.

Шунингдек, тарғибот ва ташвиқот ишларида, ёшларнинг диний билимларини ошириш ва ёт ғояларга қарши курашишда самарали восита бўлади. Ушбу тадқиқотлар ёшларга ўз тарихи, миллий ва диний қадриятларини англашда, таълим тизимини такомиллаштиришда катта ёрдам беради деб, умид қиламиз. 
 

Ўткирбек СОБИРОВ,

Ўзбекистон мусулмонлари идораси
Бош мутахассиси
 

“Шарҳу ақоиди Насафия” асарини ўзбек тилига илмий-изоҳли таржимасини
тайёрлаш бўйича лойиҳа аъзоси