Сайт тест ҳолатида ишламоқда!
03 Апрел, 2025   |   5 Шаввол, 1446

Тошкент шаҳри
Бомдод
04:42
Қуёш
06:03
Пешин
12:31
Аср
16:58
Шом
18:53
Хуфтон
20:08
Bismillah
03 Апрел, 2025, 5 Шаввол, 1446
Янгиликлар

“Маърифат карвони” илмий-ма’рифий ва маданий тарғибот тадбири бўлиб ўтди 

06.12.2024   12133   1 min.
“Маърифат карвони” илмий-ма’рифий ва маданий тарғибот тадбири бўлиб ўтди 

Жорий йилнинг 5 декабрь куни Андижон давлат университетида "Маърифат улашиб" лойиҳаси доирасида  вилоят бош имом-хатиби Мирзамақсуд дома Алимов бошчилигида вилоятдаги барча имом хатиблар, отинойилар, ҳожилар, маҳалла фаоллари ҳамда маънавият тарғиботчилари иштирокида “Тамаддун, маданият ва маърифат” мавзусида “Маърифат карвони” илмий-маърифий ва маданий тарғибот тадбири бўлиб ўтди.

Дастур аввалида Ўзбекистон Республикаси Давлат мадҳияси янгради ва иштирокчиларга мавзуга оид ижтимоий видеоролик намойиш этилди. Тадбирни вилоят ҳокими ўринбосари кириш сўзи билан очиб берди. Кейинги навбатларда маърузачиларнинг кун тартибидаги маърузалари тингланди.

Тадбир якунида мамлакатимизда амалга оширилаётган ислоҳотлар, муҳим воқеалар ҳамда “Маърифат карвони” илмий-маърифий ва маданий тарғибот тадбирларида фаол иштирок этаётган бир гуруҳ соҳа вакиллари тақдирланди.

Манба

“Маърифат карвони” илмий-ма’рифий ва маданий тарғибот тадбири бўлиб ўтди  “Маърифат карвони” илмий-ма’рифий ва маданий тарғибот тадбири бўлиб ўтди  “Маърифат карвони” илмий-ма’рифий ва маданий тарғибот тадбири бўлиб ўтди  “Маърифат карвони” илмий-ма’рифий ва маданий тарғибот тадбири бўлиб ўтди  “Маърифат карвони” илмий-ма’рифий ва маданий тарғибот тадбири бўлиб ўтди  “Маърифат карвони” илмий-ма’рифий ва маданий тарғибот тадбири бўлиб ўтди  “Маърифат карвони” илмий-ма’рифий ва маданий тарғибот тадбири бўлиб ўтди  “Маърифат карвони” илмий-ма’рифий ва маданий тарғибот тадбири бўлиб ўтди 
Ўзбекистон янгиликлари
Бошқа мақолалар

Фақирликдан эмас, бойлик тўплашингиздан қўрқаман

16.12.2022   2569   2 min.
Фақирликдан эмас, бойлик тўплашингиздан қўрқаман

Абу Ҳурайра розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Мен сизлар учун фақирликдан қўрқмайман, лекин такосур (яъни мол-дунёни тўплашда мусобақалашингиз)дан қўрқаман. Мен (бехосдан) хато қилишингиздан қўрқмайман, аммо гуноҳни атайин содир этишингиздан қўрқаман”, дедилар (Имом Аҳмад, Баззор, Ҳоким ривояти).

Бойлик ҳам, фақирлик ҳам Аллоҳ таолонинг тақдири бўлиб, барча инсонлар бу иккисидан бири билан синовдан ўтади. Аллоҳ таоло беморнинг сабрини, бойнинг шукрини синайди.

“Мен сизлар учун фақирликдан қўрқмайман” чунки бирор бандага фақирлик етса бу – Аллоҳнинг иродаси, синовидир. Фақир одамнинг етган синовга сабр қилишдан бошқа иложи йўқ. Кўнгилхушлик, маишатпарастлик кабиларга эса “қўли калталик” қилади. Имкон қадар кўпроқ ибодатлар билан машғул бўлишга интилади.

“лекин такосур (яъни мол-дунёни тўплашда мусобақалашингиз)дан қўрқаман” – аммо бойлик ва мол-дунёнинг кўпайиши оғир синовдир. Бойлиги кўпайган банда камбағаллик вақтида қилмаган гуноҳ-маъсиятларга қўл уради, Роббига итоатсизлик қилиб, ибодатларни тарк эта бошлайди.

Бугунги кунда қанча инсонлар мол-дунёсини кўпайтириш ортидан қувиб, жиноятнинг ҳар қандай кўринишини содир этмоқда. Ҳатто, бойлик учун ўз ота-онаси ва яқинларидан воз кечмоқда. Қавм-қариндош бир-бирига душманга айланмоқда. Бежизга Расулуллоҳ соллаллоҳу алайҳи васаллам умматларининг бойлик тўплашга ружу қўйишидан хавфсирамаган эканлар. Бу ҳам пайғамбарлик мўъжизаларидан биридир.

“Мен (бехосдан) хато қилишингиздан қўрқмайман” Мўмин банда имкон қадар Аллоҳнинг буйруқларини бажаришга ҳаракат қилади. Бу борада қанча тўсиқларни енгиб ўтади, қийинчиликларга бардош беради. Аммо банда фаришта эмас, баъзи вақтларда билмасдан хато қилади ёки айрим нарсаларни унутиб қўяди. Лекин тезда тавба қилади, Роббига дуо қилади: “Роббимиз, агар унутсак ёки хато қилсак, (иқобга) тутмагин”.

Набий соллаллоҳу алайҳи васаллам: “Ҳар бир одам боласи хато қилувчидир, хатокорларнинг энг яхшиси тавба қилувчилардир”, деганлар (Имом Термизий, Имом Аҳмад ривояти).

“аммо гуноҳни атайин содир этишингиздан қўрқаман” – билиб туриб қилинган гуноҳнинг азоби жуда қаттиқ бўлади. Банда билмай қилган гуноҳини Аллоҳ кечириши мумкин, фақат Ўзига ҳавола. Аммо гуноҳга журъатли бўлиш, қасддан қилиш гуноҳнинг ўзидан кўра улкан ва оғирроқ гуноҳдир. Энг муҳими – банда гуноҳни билиб ёки билмай қилса ҳам, кимга осийлик қилаётганини унутмаслиги лозим!

 

Даврон НУРМУҲАММАД

Мақолалар