23 Март, 2026, 3 Шаввол, 1447
23 Март, 2026, 3 Шаввол, 1447
Рўза мия ва ичак фаолиятини қайта тиклайди, бу эса вазн йўқотиш ва саломатликни яхшилашга олиб келади.
АҚШнинг “Frontiers in Cellular and Infection Microbiology” номли халқаро журналида чоп этилган тадқиқот натижаларига кўра, рўза тутиш мия фаолиятини ва ичак бактерияларини сезиларли даражада яхшилайди, ортиқча вазннинг йўқолишига ҳамда умумий саломатликнинг тикланишига олиб келади.
Тадқиқотчилар рўза тутганларнинг саломатлигини текширишлари натижасида қуйидагиларни аниқладилар:
– ортиқча вазндан халос бўлиш (ўртача 7,6 килограмм – 16,8 фунт);
– ичак бактерияларидаги ижобий ўзгаришлар, хусусан ёғон ичак фаолияти учун фойдали “Coprococcus ва Eubacterium hallii” бактериясининг фаоллашуви;
– озиқ-овқат истеъмоли ва импульсларни назорат қилувчи мия тўқималарининг яхшиланиши.
Хулоса қилиб айтганда, рўза ошқозон ва ичаклар ҳамда мия фаолиятини яхшиланишига сабаб бўлади.
“Рўза тутишингиз сиз учун яхшиликдир” деб марҳамат қилган Аллоҳ таолога ҳамдлар ва “Рўза тутинглар, саломат бўласизлар” деган Пайғамбаримиз соллаллоҳу алайҳи васалламга салавотлар бўлсин.
Даврон НУРМУҲАММАД
Бисмиллаҳир Роҳманир Роҳийм
من صام رمضان ثم أتبعه بست من شوال كان كصوم الدهر
Абу Айюб Ансорий розияллоҳу анҳудан ривоят қилинади. Расулуллоҳ соллаллоҳу алайҳи васаллам: “Ким Рамазон рўзасини тутиб, кетидан Шавволдан олти кун рўза тутса, йил бўйи рўза тутгандек бўлади”, дедилар (Имом Муслим ривояти).
Рамазон рўзаси ўттиз кунининг ўн баробари ўн ой (300 кун), Шаввол ойининг олти кун рўзаси эса (60 кун) икки ой бўлади. Жами 360 кун (бир йил)ни ташкил этади. Натижада, киши бутун йил бўйи рўза тутгандек бўлади. Аллоҳ таоло Қуръони каримда бундай марҳамат қилади: “Кимки (бир) ҳасана (савобли иш) қилса, унга ўн баробар (кўпайтириб ёзилур)” (Анъом” сураси, 160-оят).
عن ابن عمر رضي الله عنهما أن رسول الله صلَّ الله عليه وسلم قال من صام رمضان واتبعه ستاً من شوال خرج من ذنوبه كيوم ولدته
Ибн Умар розияллоҳу анҳумодан ривоят қилинади. Расулуллоҳ соллаллоҳу алайҳи васаллам: “Ким Рамазон рўзасини тутиб, ортидан Шаввол ойида олти кун рўза тутса, ҳудди онадан туғилгандек гуноҳлардан фориғ бўлади”, деганлар (Имом Табароний ривояти).
Уламолар: "Шаввол ойи рўзасини ой бошида кетма-кет олти кун ёки ой давомида бўлиб-бўлиб тутиш ҳам жоиз", деганлар. Имом Аҳмад раҳматуллоҳи алайҳ айтади: “Шаввол ойи рўзаси кетма-кет олти кун тутилса ҳам, бўлиб-бўлиб тутилса ҳам фазилати тенгдир”.
Аллоҳим, Расулуллоҳ соллаллоҳу алайҳи васалламнинг суннатларига эргашимизга тавфиқ ато эт!
Даврон НУРМУҲАММАД
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 