Делегация таркибида бир қатор вазирлик ва идоралар вакиллари, шу жумладан, Ўзбекистон мусулмонлари идораси раиси ўринбосари Зайниддин Эшонқулов учрашувлар чоғида юртдошларимизни Мустақиллик байрами билан табриклаб, уларга ватан соғинчи, адолат ва маърифат руҳида суҳбатлар ўтказди.
Мулоқотларда диний бағрикенглик, ҳалол меҳнат, ижтимоий тармоқлардан масъулиятли фойдаланиш, ёшлар ўртасидаги диний саводхонлик ва турли ғаразли оқимлардан эҳтиёт бўлиш зарурлиги каби мавзуларга алоҳида эътибор қаратилди. Шунингдек, иштирокчиларга тегишли мавзулардаги маълумотномалар ва буклетлар тарқатилди.
Сафар доирасида Ставрополь мусулмонлари қозиси Муҳаммад ҳазрат билан учрашув бўлиб ўтди. Шунга қўшимча, Халқаро Кавказ университетида таҳсил олаётган 285 нафар ўзбекистонлик талабалар билан алоҳида учрашув ўтказилди. Университет маъмурияти ўзбекистонлик ёшларнинг билимга чанқоқлиги ва одоб-ахлоқини алоҳида эътироф этди.
Шунингдек, "Овакон" МЧЖ қурилиш ташкилотининг 500 нафар, "Югстрой инвест" қурилиш ташкилотининг 200 нафар ишчилари билан ҳам ана шундай маърифий суҳбатлар ўтказилди.
Учрашувларда Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг дуо ва саломлари етказилди. Шу билан бирга, юртимизда амалга оширилаётган ислоҳотлар, тинчлик ва барқарорликни мустаҳкамлаш, диний-маънавий соҳа тараққиёти ҳақида ҳам маълумотлар берилди.
Ўзбекистон мусулмонлари идораси
Матбуот хизмати
Бисмиллаҳир Роҳманир Роҳийм
Cафарга чиқувчиларнинг ҳаққига дуо қилиш Расулуллоҳ соллаллоҳу алайҳи васалламнинг суннатларидан саналади. У зот алайҳиссалом:
أَسْتَوْدِعُ اللهَ دِيْنَكَ وَأَمَانَتَكَ وَخَوَاتِيمَ عَمَلِكَ
“Аставдиъуллоҳа дийнака ва амаанатака ва хавотийма амалика”, деб саҳобаларни сафарга кузатар эдилар.
Маъноси: “Динингизни, омонатингизни ва амалларингиз хотимасини Аллоҳга топшираман”.
Ҳожиларни кузатишда қуйидаги дуоларни қилиш тавсия этилади:
1. Аллоҳим, ҳожиларнинг сафарларини осон қилгин. Уларни Сенга топширдик.
2. Аллоҳим, ҳожиларни сафарлари давомида ҳар қандай бало ва ёмонликлардан асрагин ҳамда оилалари бағрига соғ-саломат қайтаргин.
3. Аллоҳим, ҳожиларнинг дуо, ибодатларини ва қалбларидаги барча шаръий ният ҳамда мақсадларини ижобат этгин. Гуноҳларини мағфират, тавбаларини қабул қилгин.
4. Аллоҳим, ҳожиларнинг ибодатларини Ўзинг учун холис қилинган амаллар қаторида қабул айлагин.
Аллоҳнинг фарз ибодатини адо этишга отланган муҳтарам юртдошим Аллоҳ таоло юртимиз, халқимиз ҳаққига қиладиган барча дуоларингизни қабул этсин. Дуоларингизда бизни ҳам унутманг!
Ҳажингиз мабрур, саъйингиз машкур ва гуноҳларингиз мағфур бўлсин!
Даврон НУРМУҲАММАД