Andijondagi ilmiy-amaliy seminarning ilg‘or tajriba va yangicha yondashuvlari hududlarga yoyilmoqda
Bugun, 9 oktyabr kuni Namangan viloyati bosh imom-xatibi Musoxon domla Abbasiddinov boshchiligida viloyatda faoliyat olib borayotgan barcha imom-xatiblar faoliyati samaradorligini yanada oshirishga bag‘ishlangan yig‘ilish bo‘lib o‘tdi.
Yig‘ilish Qur’oni karim tilovati bilan boshlandi.
Uchrashuvda Andijon viloyatida bo‘lib o‘tgan ilmiy-amaliy seminarda O‘zbekiston musulmonlari idorasi raisi, muftiy, shayx Nuriddin Xoliqnazar hazratlarining har bir imom-xatibning faoliyati davomidagi tadbirlarning qamrovi va ahamiyati, mohiyati, erishilgan yutuqlar, natijalar, tajriba almashinuvlarning diniy xodimlar uchun manfaatli bo‘lishi e’tirof etilgani, shu bilan birga, berilgan topshiriq va tavsiyalari bo‘yicha Viloyat bosh imom-xatibi tomonidan monitor orqali jonli ko‘rgazmali tarzda amaliy seminarda olingan ko‘nikmalarni viloyatda ommalashtirish uchun ko‘rsatma berildi.
Shuningdek, uchrashuv davomida o‘z ustida muntazam ishlash, ilmiy saviyani yanada oshirish, aholi bilan muloqot qilish, mo‘min-musulmonlar ehtiyojini ta’minlash hamda xayriya yordamlari uyushtirishdagi uyushqoqlik, tizimdagi xodimlar o‘rtasida o‘zaro birdamlik muhiti yanada mustahkamlash zarur ekani alohida ta’kidlandi.
Viloyatimizning barcha masjidlarida namozxonlar uchun suhbatlarni olib borish, ayniqsa, har dushanba va payshanba kunlari masjid jamoasi ko‘p to‘planadigan vaqtda namozidan keyin suhbatlar tashkil etish, masjidlar ishlarini boshqarish, obodonchilik va tozalikka alohida e’tibor qaratish takidlab o‘tildi. Belgilab o‘tilganidek, hududlardagi imom-xatib va imom-noiblar payshanba o‘quvlarini samarali tashkillashtirish bo‘yicha yo‘l-yo‘riqlar ko‘rsatildi.
Joriy yilning 23 sentyabrdagi Muftiy hazratlarining taman-shahar bosh imom-xatiblari ishtirokidagi video selektor yig‘ilishida bergan ko‘rsatma va topshiriqlarini amaliy va samarali ijro etishlari, joylarda amaliy natijaga erishishlari uchun berilgan topshiriq xati o‘qib eshittirildi.
Yig‘ilish davomida har bir tuman-shahar bosh imom-xatibi imom-noiblar faoliyatiga ham e’tibor qaratishlari lozimligi, kuz-qish mavsumiga tayyorgarlik ishlarini sifatli yakunlash va o‘z vaqtida vakillik mas’ullariga ma’lumot taqdim etishlari alohida aytib o‘tildi.
O‘zbekiston musulmonlari idorasi
Namangan viloyati vakilligi Matbuot xizmati
Qariyb 50 mamlakat jurnalistlari yangi Imom Buxoriy majmuasi va Samarqandning asosiy yodgorliklarini ziyorat qiladi
«Islom sivilizatsiyasi: yangi nigoh — yangi kashfiyotlar» Xalqaro mediaforumi ishtirokchilari 27 avgust kuni Samarqandga yo‘l oladi. Ular yangidan bunyod etilgan Imom Buxoriy yodgorlik majmuasi, Imom Buxoriy xalqaro ilmiy-tadqiqot markazi hamda Imom Buxoriy nomidagi Innovatsion muzey bilan tanishadi. Kunning ikkinchi yarmida esa ishtirokchilar uchun shaharning tarixiy-madaniy meros obyektlari, jumladan, YUNЕSKOning Jahon merosi ro‘yxatiga kiritilgan yodgorliklar bo‘ylab maxsus dastur tashkil etiladi, xabar bermoqda iccu.uz.
Yodgorlik majmuasi Samarqand viloyati Payariq tumanida, buyuk muhaddis va ilohiyotshunos Muhammad al-Buxoriyning (810–870) dafn etilgan joyida joylashgan. U «Sahihi Buxoriy» to‘plami muallifi bo‘lib, mazkur asar sunniy islomdagi eng mo‘tabar hadis to‘plamlaridan biri hisoblanadi.
Keng ko‘lamli rekonstruksiyadan so‘ng majmua 2026 yil bahorida ziyoratchilar uchun qayta ochildi. Uning umumiy hududi 45 gektarni tashkil etadi. Bu yerda 10 ming kishilik masjid, ma’muriy va xizmat ko‘rsatish binolari, 154 ustunli ayvon, 14 ta moviy gumbaz va balandligi 75 metr bo‘lgan to‘rtta minora barpo etilgan. Rekonstruksiyadan so‘ng majmuaning kunlik qabul qilish quvvati 12 ming nafardan 65 ming nafargacha oshdi.
Majmuaning markaziy qismlaridan biri — to‘qqizta pavilondan iborat yangi Imom Buxoriy Innovatsion muzeyidir. Ekspozitsiya allomaning hayoti, hadisshunoslik tarixi va uning ilmiy merosiga bag‘ishlangan. Shuningdek, muzeyda Qur’onda zikr etilgan payg‘ambarlar, Payg‘ambarimiz Muhammad sollallohu alayhi vasallamning Makka va Madinadagi hayoti hamda yozma hadis to‘plamlarining shakllanish tarixi haqida ma’lumotlar berilgan.
Majmua yaqinida Imom Buxoriy xalqaro ilmiy-tadqiqot markazi ham faoliyat yuritadi. Markaz islom ilmiy va qo‘lyozma merosini, jumladan, Markaziy Osiyoning o‘rta asr olimlari asarlarini o‘rganish, ilmiy tadqiqotlar va tarjimalar tayyorlash, shuningdek, xalqaro ilmiy almashinuvni rivojlantirish bilan shug‘ullanadi.
Majmuaga tashrifdan so‘ng forum ishtirokchilari tarixiy Samarqand bilan tanishadi. Shaharning asosiy me’moriy yodgorliklari qatoriga Registon, Bibixonim masjidi, Shohi Zinda majmuasi va Go‘ri Amir maqbarasi kiradi. YUNЕSKO ushbu to‘rt obyektni 2001 yilda «Samarqand — madaniyatlar chorrahasi» nomi bilan Jahon merosi ro‘yxatiga kiritilgan tarixiy shaharning asosiy yodgorliklari sifatida e’tirof etadi.
Samarqand bosqichi 24–28 avgust kunlari Toshkent va Samarqand shaharlarida bo‘lib o‘tadigan «Islom sivilizatsiyasi: yangi nigoh — yangi kashfiyotlar» Xalqaro mediaforumi dasturining bir qismi bo‘ladi.
Press-slujba Upravleniya musulman Uzbekistana
- «
- »