Xorazm viloyati Yangiariq tumanida yangidan qurib bitkazilgan “Shayx Muxtor Vali” jome masjidining ochilish marosimi o‘tkazildi.
Unda Xorazm viloyati bosh imom-xatibi Xayrulla domla Abdullayev, Yangiariq tumani hokimi Zafarbek Matnazarov, Din ishlari bo‘yicha qo‘mitaning tuman boshqarmasi mutaxassisi Anvarbek Eshmetov, Urganch shahar bosh imom-xatibi Hasanboy domla Kenjayev, Imom Faxriddin ar-Roziy islom ta’lim muassasasi mudiri Davronbek domla Abduqodirov, tuman va shahar bosh imom-xatiblari, mutasaddilar va mahalla ahli jam bo‘lishdi.
Zamonaviy talablarga javob beradigan, barcha qulayliklarga ega bo‘lgan mazkur masjid 300 nafar namozxonlarga mo‘ljallangan.
Qur’oni karim tilovat qilingach, masjid qurilishi va faoliyatini tashkil qilishda ishtirok etgan barcha fidoyi insonlar haqiga duoi xayrlar qilindi.
Toshkent viloyatida 8 dekabr – O‘zbekiston Respublikasi Konstitutsiyasi qabul qilingan kun munosabati bilan viloyat imom-xatiblari va noiblari o‘rtasida “Siz qonunni bilasizmi?” mavzusida ko‘rik-tanlov bo‘lib o‘tdi.
Tanlovda diniy soha xodimlarining huquqiy savodxonligi, Konstitutsiya haqidagi bilimlari sinovdan o‘tkazildi.
Tanlovda g‘oliblar aniqlanib, ulaga esdalik sovg‘alari hamda Haj va Umraga (guruh rahbari bo‘lib) yo‘llanmalar berildi.
G‘oliblar:
1. Zangiota tumani “Sadr ota” jome masjidi imom-xatibi Izzatillayev Fayzulloh domla Haj;
2. Toshkent tumani “Ayri ota” jome masjidi imom noibi Sultonov Abu Bakr domla Haj;
3. Bo‘stonliq tumani “Mulla Po‘lat ota” jome masjidi imom-xatibi Isomov Nig‘matilla domla Umra;
4. Olmaliq shahar “Hilol” jome masjidi imom noibi Muydinxonov Sayidmuhammadxon domla Umra yo‘llanmasini (guruh rahbari bo‘lib) qo‘lga kiritdi.
Fursatdan foydalanib, barcha g‘oliblarni samimiy qutlaymiz.
O‘zbekiston musulmonlari idorasi
Toshkent viloyati vakilligi Matbuot xizmati