11 Декабр, 2025, ,
11 Декабр, 2025, ,
Мир Араб ўрта махсус ислом таълим муассасасида устоз ва талабалар иштирокида икки янги асарнинг тақдимоти ўтказилди. Тадбирда Ўзбекистон мусулмонлари идораси раиси, муфтий Шайх Нуриддин Холиқназар ҳазратларининг «Эй, бандаларим» асари ҳамда Тошкент ислом институти катта ўқитувчиси Абдулазим домла Саидаҳмедовнинг «Нурул яқин» асари иккинчи қисми ўқувчиларга таништирилди.
Тадбирда билим юрти мудири Жалолиддин Сабуров ушбу китоблар талабалар маънавий камолотида катта хизмат қилувчи муҳим манбалар эканини таъкидлади.
Абдулазим домла ҳам сўзга чиқиб, «Нурул яқин» асарининг янги қисмидаги асосий мавзулар, уни ёзиш жараёни ўқувчи учун қандай фойдалари борлиги ҳақида сўзлаб берди.
Ўзбекистон мусулмонлари идораси
Матбуот хизмати
Алишер Навоий номидаги Ўзбекистон Миллий кутубхонасида покистонлик журналист ва ёзувчи Муҳаммад Аббос Хоннинг "Ўзбекистон: Учинчи Ренессанс – тараққиёт концепти" номли китобининг ўзбек тилидаги нашри тақдимоти бўлиб ўтди.
Тадбирда Ўзбекистон Республикаси Президенти Администрацияси ва Олий Мажлиси вакиллари, Покистон Ислом Республикаси Президентининг маслаҳатчиси ва матбуот котиби Муртазо Соланги, икки мамлакат вазирлик ва идоралари раҳбарлари, фан, адабиёт ва медиа соҳалари намояндалари иштирок этди.
“Ўзбекистон: Учинчи Ренессанс – тараққиёт концепти” китоби бадиий-публицистик асар бўлиб, Президентимиз Шавкат Мирзиёев томонидан илгари сурилган Учинчи Ренессанс ғояси ва амалга оширилаётган ислоҳотлар дастурининг мазмун-моҳиятига бағишланган. Унга сўзбошини Покистон Бош вазири Шаҳбоз Шариф ёзгани эса давлатларимиз раҳбарлари ва халқларимиз ўртасидаги ишонч ва яқин дўстликнинг ёрқин рамзидир.
Тадбирда сўзга чиққанлар бу асар Учинчи Ренессанс ва Янги Ўзбекистон ғояларининг аҳамияти халқаро миқёсда янада теран англаниши, Ўзбекистон-Покистон ҳамкорлиги ва дўстлиги янада мустаҳкам бўлишига хизмат қилишига ишонч билдирдилар.
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 