05 Май, 2025, 7 Зулқаъда, 1446
05 Май, 2025, 7 Зулқаъда, 1446
Саудия Aрабистонининг Ислом, даъват ва иршод ишлари вазирлиги Мавританияда ҳар йили ўтказиладиган Қуръон ва Суннати набавия танловининг барча иштирокчиларига 300 000 га яқин Қуръон нусхаси тарқатилишини эълон қилди.
Мазкур мусобақа Саудия Aрабистони Ислом, даъват ва иршод ишлари вазирлиги ҳамда Мавритания Ислом ва таълим-тарбия ишлари вазирлиги, Қуръони каримни ёдлатиш хайрия марказлари ҳамкорлигида ўтказиб келинмоқда.
Ушбу 300 000 дона Қуръон китоби Мадинадаги Қирол Фаҳд мажмуаси томонидан чоп қилинган.
Китобларнинг маълум қисми шу йилнинг 10 март куни якунланган Қуръони карим ва суннати набавия мусобақаси иштирокчиларига тақдим қилинди. Китобларининг қолган қисми эса Мавританиядаги Қуръони каримни ёдлатиш бўйича фаолият олиб борувчи хайрия марказлари ва жамиятларида таҳсил олаётган талабаларга ҳадя этилади.
Ушбу Қуръони карим нусхаларининг 250 мингги Қуръони каримнинг Варш ривоятидаги Нофеъ қироати ва яна 50 минг нусхаси эса Қолун ривоятидаги Нофеъ қироатидан иборат. Ҳадя этилган бу Қуръони карим нусхалари мавританиялик қорияларнинг Нофеъ қироатида ўқишларини осонлаштиради.
ЎМИ Матбуот хизмати
Араб давлатининг Босния ва Гертсеговинадаги элчихонаси томонидан тақдим этилган Саудия Арабистони Ислом ишлари, даъват ва ҳидоят вазирлиги дастлабки босқични ўтказди. Бу Косово Республикасидаги Ислом шайхлиги ва Саудия Арабистонининг Албания Республикасидаги элчихонаси билан ҳамкорликда учинчи маротаба ташкил этилган тадбирдир.
Мусобақада Косово, Албания, Босния ва Герцеговина, Черногория, Шимолий Македония, Италия, Туркия, Греция, Болгария, Чехия, Кипр, Словения, Хорватия, Руминия, Сербия, Эстония, Беларусия, Россия, Грузия, Сан-Мария ва Узбекистон каби 22 давлатдан 2350 нафар даъвогарлар иштирок этди.
8-11 май кунлари Косово пойтахти Приштина шаҳрида бўлиб ўтадиган финал босқичига жами 160 нафар иштирокчи йўлланма олди ва улар беш тоифа бўйича кураш олиб боради.
quranuz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 