Al-Azhar al-Sharif majmuasi ikki davlatda yuz bergan vayronkor zilzila oqibatida insonlar qurbon bo'lgani va katta talofotlar ko'rilgani munosabati bilan Turkiya va Suriya xalqlariga hamdardlik bildirdi.

Islom olamida nufuzli majmua rahbari, doktor, shayx Ahmad at-Tayyib qurbonlarning oilalariga hamdard ekani, ularning his-tuyg'ularini tushunishini izhor qilib, Haq taolodan jabrlanganlarga rahmatini yog'dirishini, ularning oila a'zolariga sabr va tan jarohati olganlarga shifo berishini so'rab xayrli duolar qildi.

“Al-Azhar” rahbari Islom olami va butun dunyoni ofat va zilzilalardan asrashini, butun insoniyatga tinchlik va osoyishtalik ato etishini Yaratgan parvardigordan iltijo qilib so'rashini aytdi.

O'zbekiston musulmonlari idorasi

 Matbuot xizmati