O‘zbekistonda ziyorat turizmini rivojlantirish bo‘yicha aloqalarni yo‘lga qo‘yish maqsadida, yurtimizga tashrif buyurgan Malayziyaning Perlis shtati muftiysi boshchiligidagi diniy delegatsiya Buxoro shahrini ziyorat qildi.
Mehmonlar dastlab “Mir Arab” madrasasiga tashif buyurdilar. Madrasada talabalar uchun yaratilgan sharoitlar, dars jarayonlari va kutubxona bilan yaqindan tanishdilar. Madarasaning qadim tarixi, uning o‘ziga xosligi mehmonlarda katta taassurot qoldirdi.
Shundan so‘ng Malayziya delegatsiyasi Buxorodagi tarixiy obidalarni ziyorat qildi. Jumladan, “Somoniylar bog‘i”, “Buxoro Ark”i, “Bahouddin Naqshband” ziyoratgohi, “Mir Arab” Oliy madrasasi va boshqa qadamjolarda bo‘ldilar.
Ziyorat so‘ngida mehmonlar tarixiy shahar ularning xotirasida uzoq yillar qolishini ta’kidladilar va Toshkent shahriga qaytib keldilar.
Mehmonlarning tashrifi davom etmoqda.
O‘MI Matbuot xizmati
Haj safariga borish, Ka’batullohni ziyorat qilish har bir mo‘min-musulmonning orzusi. Davlatimiz tomonidan ko‘rsatilayotgan e’tibor va g‘amxo‘rlik sababli vatandoshlarimiz emin-erkin haj amallarini ado etish baxtiga muyassar bo‘lishmoqda.
19 may kuni navbatdagi ziyoratchilar Makkai mukarramaga zamonaviy avtobuslarda yetib keldi.
Hamyurtlarmizni muhtasham Soncrete al-Sahhab mehmonxonasida saudiyalik mutasaddilar, O‘zbekiston musulmonlari idorasi raisi, muftiy Shayx Nuriddin Xoliqnazar hazratlari, Din ishlari bo‘yicha qo‘mita vakillari, Jidda shahridagi bosh konsul Sirojiddin Shamsuddinov va bosh konsulxona xodimlari tomonidan katta ehtirom ila kutib olindi.
Alloh taoloning mehmonlariga risoladagidek xizmat ko‘rsatish, ularga qulay sharoitlarni yaratib berish maqsadida barcha imkoniyatlar hozirlandi. Muborak safar mobaynida har bir tadbirlar aniq reja asosida yuksak darajada amalga oshirilmoqda. Tashkiliy-hujjat ishlari, toatu ibodatlar, istiqomat, oziq-ovqat, tibbiyot va transport xizmatlari yuqori sifatda tashkil etilgan.
Ziyoratchilar umra amalini bajarib bo‘lgach haj ibodati boshlanish sanasi, ya’ni Zulhijja oyining sakkizinchi kuniga qadar Harami sharifda toatu ibodatda bo‘ladilar.
Haq taolo hojilarning hajlarini mabrur, sa’ylarini mashkur, gunohlarini mag‘fur qilsin.
O‘zbekiston musulmonlari idorasi Matbuot xizmati