03 Январ, 2025, 4 Ражаб, 1446
03 Январ, 2025, 4 Ражаб, 1446
6 сентябрь куни Тошкент шаҳрида Саудия Арабистонининг Ўзбекистондаги элчихонаси томонидан ташкил қилинган йиғилишда президент Шавкат Мирзиёевнинг қиролликка ташрифида эришилган келишувлар ҳамда уларнинг ижроси юзасидан қўшимча ахборот берилди.
Ташриф давомида Қўшма баёнот қабул қилинди. Унда, шунингдек халқаро вазият ҳамда Афғонистон, Яман ва Украинадаги вазият бўйича томонларнинг қарашлари ҳам ўз аксини топган. Икки мамлакат ҳам Украинадаги низо тинч йўллар билан ҳал қилиниши тарафдори эканлиги маълум бўлди.
Бундан ташқари, таълим, соғлиқни сақлаш, ҳаво йўллари ва бошқа кўплаб соҳаларни қамраб олган 14 ҳужжат – битимлар, келишув ва меморандумлар имзоланди. Ташриф арафасида ишбилармон доираларининг учрашуви ҳам ўтказилди. Бу учрашувларда эришилган келишувларнинг умумий қиймати 12 миллиард доллардан ошади.
Хушхабар сифатида айтишим мумкин, Саудия Арабистонининг машҳур FlyNas компанияси жорий йил 15 сентябрдан бошлаб ҳафтада икки марта Тошкент-Жидда рейсларини амалга оширади.
Kun.uz мухбири элчидан Саудия қироллиги ҳам жавоб тариқасида ўзбекистонликлар учун қисқа муддатга бўлса ҳам визасиз режим жорий қилиш режаси бор ёки йўқлиги ҳақида сўради.
«Бизда ҳам Туризм вазирлиги томонидан рўйхат тайёрланган. Бу рўйхатга ўнлаб мамлакатлар киритилган ва у мунтазам равишда янгилаб борилади. Биз ҳам умид қиламиз, тез орада мазкур рўйхатга Ўзбекистон ҳам киритилади. Ўйлайманки, қандай ижобий қадам қўйилмасин, икки мамлакат ўртасидаги алоқаларни, хусусан туризмни ривожлантиришга қўйилган қадам бўлади», – деди Саудия Арабистонининг Ўзбекистондаги элчиси.
манба: https://kun.uz/02650011
Кўпинча денгиз сатҳи ташқаридан қараган кишига гўёки ипакдан тўқилган майин гиламни тўшаб қўйгандек, тинч ва сокин кўринади...
Лекин ўша тинч ва сокиндек кўринаётган алдамчи манзара остида тинимсиз кураш, ҳаёт ва мамот тўқнашувлари, ҳалокатли нидолар яшириниб ётади. Денгиз қаърида китлар, акулалар, илонлар ва сувсарлар сузиб юради, бир-бирларини ўлжага айлантириш мақсадида тинимсиз таъқиб қиладилар.
Худди шу каби сизнинг юзингиз ҳам ойна қаршисида тинч, меҳрли ва мусаффо кўринади. Аммо танангизни ичида эса, хужайралар ғалаён қилади, нафс хоҳишлари аланга олади, ғаризалар авж олади ва адоватлар оловланади.
Агар сиз денгиздаги ўша махлуқлар жанг қилаётган чегаралардан ўтиб, денгизнинг уларданда қаърига етиб борсангиз, у ерда сукунат ҳукмрон эканлигини, садафлар, марваридлар ва маржонлар яшаётганини кўрасиз.
Худди шунингдек, танангизда ҳам агар нафсоний ҳирслар ҳукмронлик қилаётган чегарадан ўтиб олиб, руҳият ҳудудига етиб борсангиз, у ерда сакинат топасиз, ҳикмат зиёсининг нуридан баҳра оласиз, Парвардигорнинг ҳузуридан оқиб чиқаётган муҳаббат булоғидан қонасиз.
Ҳомиджон домла ИШМАТБЕКОВ
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа