06 Феврал, 2025, 7 Шаъбон, 1446
06 Феврал, 2025, 7 Шаъбон, 1446
Ўзбекистон Бош вазирининг ўринбосари – инвестициялар ва ташқи савдо вазири, Ўзбекистон томонидан Ислом тараққиёт банки бошқарувчиси Сардор Умурзоқов раҳбарлигида ИТБ Бошқарувчилар кенгашининг йиллик анжуманига тайёргарлик кўриш бўйича ташкилий қўмита йиғилиши бўлиб ўтди.
Инвестициялар ва ташқи савдо вазирлиги (ИТСВ) манбасига кўра, йиғилишда анжуманга тайёргарлик кўриш бўйича чора-тадбирларнинг амалга оширилиши кўриб чиқилди.
Ташкилий қўмитанинг тегишли кичик ишчи гуруҳлари раҳбарлари бажарилган ишлар юзасидан ҳисобот ва турли йўналишларда ташкилий масалаларни ҳал этишнинг бугунги ҳолати ҳақида маълумот берди.
Мамлакатимизнинг халқаро майдондаги имижини мустаҳкамлаш, ИТБ Гуруҳи ва бошқа ривожланиш ҳамкорлари билан муносабатларни янада чуқурлаштириш нуқтаи назаридан тадбирни юқори ташкилий ва мазмун жиҳатидан юқори савияда ўтказиш муҳимлиги таъкидланди.
Тадбир иштирокчилари ва меҳмонларининг хавфсизлигини таъминлаш мақсадида кўзда тутилган барча санитария-эпидемиология тадбирларига риоя этиш зарурлиги алоҳида қайд этилди.
Шунингдек, учрашувда ҳал этилиши тегишли вазирлик ва идораларнинг ўзаро мувофиқлаштирилган ҳамкорлигини талаб этувчи бир қатор масалалар кўриб чиқилди. Уларни муҳокама этиш давомида ўзаро ҳамкорлик алгоритмлари ишлаб чиқилди ва масъул раҳбарларга манзилли кўрсатмалар берилди.
Ўзбекистон мусулмонлари идораси матбуот хизмати
Кеча «Hilol Nashr» нашриётининг мажлислар залида янги чоп этилган таровеҳ мусҳафининг (https://hilolnashr.uz/taroveh-musxafi-27-29) тақдимоти ўтказилди. Тадбирда китобни нашрга тайёрлаган устоз Ҳасанхон Яҳё Абдулмажид қори, Абдулҳаким қори Матқулов ва бир қанча қорилар меҳмон бўлдилар.
Суҳбат аввалида устоз Эркин Малик Ҳасанхон Яҳё Абдулмажидни янги китоб билан табриклаб, тадбирни очиб бердилар. Кейин эса Ҳасанхон қори Қуръони Каримнинг мусҳаф ҳолига келтирилиши, жуз, ҳизб каби қисмларга бўлиниши, таровеҳ мусҳафининг тайёрланиш жараёни ва унда ишлатилган белгилар ҳақида сўзлаб бердилар.
Сўнг анъанага кўра, китобхонлар билан савол-жавоб ўтказилиб, тўғри жавоб топганларга тақдимоти бўлаётган китоб − таровеҳ мусҳафи ҳадя қилинди.
Кейин Ҳасанхон Яҳё Абдулмажид навбатдаги хушхабар − quran.uz саҳифасидаги ўн қироат бўйича янгилик билан ўртоқлашдилар. Эндиликда ушбу саҳифа орқали Қуръони каримни 10 хил қироат ва 20 хил ривоятда ўқиш ва тинглаш мумкинлигини тақдимот ёрдамида тушунтириб бердилар.
Сўнг устоз қорилардан Абдулҳаким Матқулов Ҳасанхон Яҳё Абдулмажидни мусҳафнинг янги нашри билан қутлаб, келгуси илмий фаолиятларига барака тиладилар.
Келган меҳмонларга нашриётнинг эсдалик совғалари улашилди.
Аҳмад Ризо қори ва Абдулбосит қори Қобиловнинг тиловатлари ҳамда Абдулҳаким қори Матқуловнинг хайрли дуолари билан тадбир ниҳоясига етди.
@hilolnashr
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа 