Сайт тест ҳолатида ишламоқда!
25 Июл, 2025   |   30 Муҳаррам, 1447

Тошкент шаҳри
Бомдод
03:35
Қуёш
05:12
Пешин
12:35
Аср
17:36
Шом
19:51
Хуфтон
21:20
Bismillah
25 Июл, 2025, 30 Муҳаррам, 1447

Ўзбекистон ҳалол маҳсулотлар кўргазмасида иштирок этади

22.04.2021   2085   1 min.
Ўзбекистон ҳалол маҳсулотлар кўргазмасида иштирок этади

21 апрель куни Ўзбекистоннинг Малайзиядаги элчихонаси «The Malaysia International Halal Showcase – MIHAS» 17-Халқаро ҳалол маҳсулотлар кўргазмасида иштирок этиш учун онлайн рўйхатдан ўтиш маросимида иштирок этди, деб хабар бермоқда «Дунё» АА.

Ҳар йили ушбу тадбирда дунёнинг 40 мамлакатидан мингга яқин компания иштирок этади ва 80 давлатдан 25 мингдан зиёд одам ташриф буюради.
Бу йилги кўргазма 9-12 сентябрь кунлари Малайзия Халқаро савдо ва кўргазма марказида (MITEC) ўтказилиши режалаштирилган. Малайзия MIHAS-2021 кўргазмасининг иштирокчиси сифатида рўйхатдан ўтиш ва ўз маҳсулотларини намойиш қилиш учун тегишли онлайн ва офлайн платформалар билан таъминлаш мақсадида Ўзбекистон корхоналари билан ҳамкорлик қилишга тайёрлигини маълум қилди.

Маълумот учун, MIHAS дунёдаги энг йирик ҳалол маҳсулотларга бағишланган тадбир бўлиб, у 2004 йилдан бери ўтказиб келинмоқда. Кўргазма ташкилотчилари - Малайзия халқаро савдо ва саноат вазирлиги, ташқи савдони ривожлантириш корпорацияси ҳамда йирик халқаро кўргазмалар ва бошқа тадбирларни ташкил қилиш бўйича қарийб 30 йиллик тажрибага эга бўлган «HW Lima Sdn Bhd» компаниясидир.

Ушбу тадбирда ўзбек компанияларининг фаол иштирок этиши мамлакатимизда тайёрланган маҳсулотларнинг хорижий давлатлар бозорларига экспортини янада оширишга хизмат қилади.

Ўзбекистон мусулмонлари идораси матбуот хизмати

Ўзбекистон янгиликлари
Бошқа мақолалар

Мўмиё истеъмол қилиш мумкинми?

23.07.2025   5338   1 min.
Мўмиё истеъмол қилиш мумкинми?

Савол: Мўмиё  ҳалолми? Уни истеъмол қилса бўладими?

Жавоб: Бисмиллаҳир Роҳманир Роҳийм. Ҳа, мўмиё ҳалол ва уни истеъмол қилиш жоиз. Мўмиё тоғ жинсидан сизиб чиқадиган қуюқ модда бўлиб, табобатда қадимдан ишлатиб келинган. Шаръий жиҳатдан эса, у тоғ жинсидан сизиб чиқадиган табиий модда ва зарарсиз эканлиги эътиборидан истеъмоли ҳалол ҳисобланади. Зеро, динимизда: “Нарсалар аслида мубоҳ (ҳалол)дир”, деган қоида бор.

Бундан маълум бўладики, барча нарсалар инсон учун яратилган бўлиб, улардан фойдаланиш ҳалол. Қатъий далил собит бўлмагунича ҳеч бир нарса ҳаром бўлмайди. Расулуллоҳ соллаллоҳу алайҳи васаллам: “Аллоҳ китобида ҳалол қилган нарса ҳалол, ҳаром қилган нарса ҳаром, сукут қилган нарса афв (этилган)дир. Аллоҳдан офиятни сўранглар, чунки Аллоҳ эсдан чиқаргувчи эмас”, деганлар (Имом Абу Довуд ривояти).

Яъни Аллоҳ таоло баъзи нарсалар борасида ҳалол ёки ҳаром, деган ҳукмни баён қилмаган. Шунинг учун ҳам улар мубоҳлик ҳукмида қолаверади. Валлоҳу аълам.

Ўзбекистон мусулмонлари идораси
Фатво маркази.