Иброҳим алайҳиссалом номидаги масжид қайта очилди
Покистоннинг Панжоб штатида Турк қизил ярим ой жамияти барпо этган Иброҳим Пайғамбар номидаги кўп асрлик масжид ибодат учун очилди. Жанг шаҳрининг Хокран Чак қишлоғида бўлиб ўтган очилиш маросимида Туркия қизил ярим ой Бош котиби Ҳусайн Жан ва ташкилотнинг бошқа ходимлари, NGO World Президенти Зафар Иқбол жамғармаси иштирок этди.
Islam.ru маълумотларига кўра, Иброҳим Пайғамбар масжиди 1901 йилда қурилган ва минтақадаги зилзилалар туфайли 2017 йилда бузилган. Масжид турк ва панжоб архитектурасининг ўзига хос хусусиятларига эга.
Покистон делегацияси раҳбари Камилонинг айтишича, улар 2019 йилда масжид реконструкциясини бошлашди, лекин янги турдаги коронавирус (Cовид-19)нинг авжга чиқиши сабабли материаллар ташиш ва етказиб бериш билан боғлиқ муаммолар 6 ойга масжид қурилиши якунланишини кечиктирди.
Ўзбекистон мусулмонлари идораси матбуот хизмати
Байрам шукуҳи Жиззахда ҳам давом этмоқда
Ўзбекистон Республикаси давлат мустақиллигининг 35 йиллиги арафасида “Вақф” хайрия жамоат фондининг Жиззах вилояти филиали томонидан хайрия тадбири ташкил этилди.
Вилоятнинг турли ҳудудларидан бўлган боқувчисини йўқотган 35 нафар боланинг хатна тўйи қилиб берилди.
Тадбирда болажонларга велосипед, костюм-шим ва кўйлаклар, ширинликлар қутиси совға қилиниб, байрам дастурхони ёзилди.
Болажонларга қўшилиб, уларнинг яқинлари ҳам қувончдан ташаккур айтиб, ташкилотчилар, Юртбошимиз ҳақларига дуолар қилишди.
Шунингдек, тадбир доирасида ижтимоий ҳимояга муҳтож, боқувчисини йўқотган ҳамда кам таъминланган оилалар фарзандларига эътибор ва ғамхўрлик кўрсатилиб, уларга ҳам ҳадялар улашилди.
Бундай эзгу ташаббуслар жамиятда ўзаро меҳр-оқибат, саховат ва ҳамжиҳатлик муҳитини мустаҳкамлаш, ёш авлод қалбида Ватанга муҳаббат ва инсонпарварлик туйғуларини юксалтиришга хизмат қилади.
Ўзбекистон мусулмонлари идораси
Матбуот хизмати
- «
- »