27 Декабр, 2024, 26 Жумадул сони, 1446
27 Декабр, 2024, 26 Жумадул сони, 1446
Саудия Арабистони рассомлари жамоаси Макка кўчаларини ўзига хос чиройли қилиш учун бирлашдилар. 14 кундан ортиқ вақт ичида 15 нафар мутахассис Маккани Тоиф Ал-Ҳада билан боғлайдиган Ал-Авалий кўпригини безаб турган 33 метрлик фрескани яратди. Картина араб ҳаттотлигининг замонавий санъатидан фойдаланиш билан ишлаб чиқилди. Сунбули ҳаттотлиги 1900-йилларнинг бошларида турк ҳаттоти Ориф Ҳикмат томонидан яратилган ва Девоний ҳаттотлик услубидан келиб чиққан. Девоний шрифти қачонлардир Усмонли империясининг султонлари томонидан ишлатилган, унинг ҳарфлари силлиқ ва уйғун кўринишга эга эди. Сунбули ёзувларга аниқ ўткир қирраларнинг бериш учун кичик ўзгаришларни киритади.
Islam.ru маълумотларига кўра, Макка муниципалитетидаги ободонлаштириш ва инсонпарварлаштириш бошқармаси бошлиғи Муса бин Сулаймон Ал-Соҳибийнинг айтишича, яқин келажакда бундай картиналар шаҳардаги кўплаб объектларни безаб туради.
Ўзбекистон мусулмонлари идораси матбуот хизмати
Ўзбекистон мусулмонлари идораси жамоаси Диний идоранинг Бухгалтерия бўлими мудири ўринбосари Бурхон Назаровнинг падари бузрукворлари Бахтиёр ҳожи отанинг вафоти муносабати билан чуқур таъзия изҳор этади.
Аллоҳ таоло охират сафарига кузатилган марҳум отахоннинг барча солиҳ амалларини ўзларига ҳамроҳ айлаб, Ўз мағфиратига олсин.
Ҳақ таоло марҳумнинг яқинлари, фарзанду аржумандларига чиройли сабр бериб, бу мусибатларга ажру мукофотлар ато этсин.
Ўзбекистон мусулмонлари идораси жамоаси, уламолари, имом-домлалари ва ўқитувчи-мударрислари номидан марҳум отахоннинг яқинларига, хусусан, Бурхон Назаровга ҳамдардлик билдирамиз.
Жаноза намози бугун пешин намозидан сўнг пойтахтимизнинг Чилонзор туманидаги "Катта Қозиробод" жоме масжидида ўқилади.
Иннаа лиллааҳи ва иннаа илайҳи рожиъуун.
«Мусибат етганда “Албатта, биз Аллоҳникимиз ва албатта, биз Унга қайтувчимиз”, деган сабрлиларга хушхабар беринг».
Ўзбекистон мусулмонлари идораси
Muslim.uz
Иймон 
Намоз 
Рўза 
Закот 
Ҳаж 
Қуръон 
Ислом сабоқлари 
Aлоқа