Сайт тест ҳолатида ишламоқда!
23 Июл, 2025   |   28 Муҳаррам, 1447

Тошкент шаҳри
Бомдод
03:32
Қуёш
05:10
Пешин
12:35
Аср
17:37
Шом
19:53
Хуфтон
21:23
Bismillah
23 Июл, 2025, 28 Муҳаррам, 1447

“Тўрт мазҳаббоши имомлардан гўзал ибратлар” рисоласи чоп этилди

07.11.2023   1196   1 min.
“Тўрт мазҳаббоши имомлардан гўзал ибратлар” рисоласи чоп этилди

Ўзбекистондаги Ислом цивилизацияси маркази томонидан нашрга тайёрланган “Тўрт мазҳаббоши имомлардан гўзал ибратлар” рисоласи чоп этилди. Мазкур рисолада тўрт мазҳаб – ҳанафий, шофеъий, моликий ва ҳанбалий мазҳаблари имомларининг ҳаётига оид ибратли воқеалар баён этилган.
Рисолада одоб-ахлоқ, таълим-тарбия, инсонийлик фазилатларини бойитишга хизмат қилувчи ҳамда инсон руҳиятини камолотга етказувчи сифатлар ҳақида сўз боради. Шунингдек, аждодларимизнинг урф-одат ва анъаналари асосида шаклланган гўзал одобларимиз батафсил ёритилган.
Уламоларнинг ҳаётига бағишланган табақот асарлари асосида Абдушукур Муратов томонидан тайёрланган мазкур рисола кенг китобхон оммаси учун мўлжалланган.

Ўзбекистондаги Ислом цивилизацияси маркази
Ахборот хизмати

Ўзбекистон янгиликлари
Бошқа мақолалар

Илмнинг боши - сабр

21.07.2025   3961   1 min.
Илмнинг боши - сабр

Ўтган солиҳлардан қоида ва мерос бўлган сўз бор:


من رام العلم جملة ذهب عنه جملة
."Кимки илмнинг ҳаммасини бирданига ўрганишни истаса, илмнинг ҳаммасидан қуруқ қолади"

Оз вақтда илмнинг ҳаммасини ўрганиб оламан, дея хомтама бўлган талаба, илмнинг ҳаммасидан бебаҳра қолади. Ҳеч нарсага эришмайди.

Қуръони карим Расулуллоҳ соллаллоҳу алайҳи васалламга 23 йил давомида нозил бўлган...

Имом Бурҳониддин Марғиноний раҳимаҳуллоҳ "Ҳидоя" асарини 13 йил мобайнида рўзадор ҳолда ёзганлар...

Имом Бухорий раҳимаҳуллоҳ "Саҳиҳул Бухорий"ни 16 йилда, таҳорат олган ҳолда ва икки ракат нафл намоз ўқиб, ёзганлар...

Илм китоблари ҳарфма-ҳарф ва калима-калима изоҳлаб ўрганилади. Игна билан қудуқ қазишга сабр-тоқат, олий ҳиммат, интизом ва узоқ вақт зарур. Шошқалоқлик ва пухталик бир-бирига зид – ҳеч қачон жамланмайди. 

Муҳтарам толиби илм! Илмнинг боши сабрдир: китобга сабр қиласиз, устозга сабр қиласиз, яшаётган шаҳрингизга сабр қиласиз, ҳамдарсларингизга сабр қиласиз ва ҳоказо.

Илм олиш лаззатига эришгач, сабр мақомидан розилик ва муҳаббат мақомига ўтиб олгач ҳаётингиз мазмуни китоб ва устозлар суҳбатига айланади.