Сайт тест ҳолатида ишламоқда!
25 Июл, 2025   |   30 Муҳаррам, 1447

Тошкент шаҳри
Бомдод
03:35
Қуёш
05:12
Пешин
12:35
Аср
17:36
Шом
19:51
Хуфтон
21:20
Bismillah
25 Июл, 2025, 30 Муҳаррам, 1447

The Express Tribune: Самарқанд, Бухоро каби шаҳарлар ҳамиша Ислом цивилизацияси ва билим ўчоқлари бўлиб келган

30.01.2021   1253   2 min.
The Express Tribune: Самарқанд, Бухоро каби шаҳарлар ҳамиша Ислом цивилизацияси ва билим ўчоқлари бўлиб келган

"Ўзбекистон ва Покистон имтиёзли савдони муҳокама қилишади" ва "Ўзбекистон элчиси А. Довуд билан учрашди" сарлавҳали мақолалар «The Express Tribune», «National Herald Tribune», «Daily Spokesman», «Al-Akhbar», «Urdu Point» каби етакчи Покистон нашрларининг веб-сайтлари ва босма нашрлари ва бошқа бир қатор оммавий ахборот воситаларида чоп этилди.


Нашрларда таъкидланишича, жорий йилнинг 31 январидан 4 февралига қадар Ўзбекистон ва Покистон ўртасида бўлиб ўтадиган музокаралар чоғида томонлар савдо-иқтисодий ҳамкорлик, хусусан, "имтиёзли савдо тўғрисида"ги шартномани тайёрлаш борасида тараққиётга эришишни мўлжаллашмоқда.


Шу муносабат билан Ўзбекистоннинг янги тайинланган элчиси Ойбек Усмонов Покистон ҳукумати делегациясининг Ўзбекистонга ташрифини муҳокама қилиш учун Покистон Бош вазирининг савдо ва сармоя бўйича маслаҳатчиси Абдул Раззоқ Довуд билан учрашди.


Материалларда таъкидланганидек, Абдул Раззоқ Довуд бошчилигидаги бўлажак ташриф Ўзбекистон Бош вазири муовини Сардор Умурзоқовнинг ўтган йили Исломободга қилган ташрифининг давомидир. Ташриф чоғида икки мамлакат савдо-иқтисодий масалалар бўйича Қўшма ишчи гуруҳини ташкил этиш бўйича ўзаро англашув меморандуми имзоланди, унга кўра Қўшма ишчи гуруҳининг биринчи йиғилиши Тошкентда ўтказилиши ҳақида қарор қабул қилинди.


Хусусан, Покистон ҳукумати делегациясининг Ўзбекистонга ташрифи савдони кенгайтириш, темир йўл алоқаларини ўрнатиш, банклараро ҳамкорлик ва инвестицияларни жалб етиш билан боғлиқ масалаларни муҳокама қилиш имконини бериши қайд этилган. Тўқимачилик ва фармацевтика маҳсулотларини биргаликда ишлаб чиқаришда ҳамкорлик имкониятлари ҳам ўрганилади. "Шу билан бирга, Афғонистон делегацияси" савдо ва логистика бўйича уч томонлама саммит " доирасида Тошкентда Ўзбекистон ва Покистон ўртасидаги музокараларга ҳам қўшилиши кутилмоқда, - деб ёзади Покистон матбуоти.


Экспертларнинг фикрича, Ўзбекистонга давлат ташрифининг энг устувор йўналишларидан бири савдо-сотиқни кенгайтириш, минтақавий алоқаларни мустаҳкамлаш ва умумий бозори 90 миллиард АҚШ долларидан ортиқ бўлган икки мамлакат, Марказий Осиё давлатлари, жумладан Афғонистон ўртасида экспорт/импортни оширишдан иборат.


"Покистон Ўзбекистон билан, айниқса, маданият, санъат, ҳунармандчилик ва анъаналар жиҳатидан чуқур тарихий алоқаларга эга. Самарқанд, Бухоро каби шаҳарлар ҳамиша Ислом цивилизацияси ва билим ўчоқлари бўлиб келган", - дея сарҳисоб қилади Покистон матбуоти.

Ўзбекистон мусулмонлари идораси матбуот хизмати

Ўзбекистон янгиликлари
Бошқа мақолалар
Янгиликлар

Диний таълим муассасаларига кириш имтиҳонлари санаси ва манзили маълум бўлди

23.07.2025   3526   1 min.
Диний таълим муассасаларига кириш имтиҳонлари санаси ва манзили маълум бўлди

#xabar #kirish_imtihoni #sana #manzil

 2025-2026 ўқув йили учун Ўзбекистон мусулмонлари идораси тасарруфидаги олий ва ўрта махсус диний таълим муассасалари ҳамда Тошкент ислом институти Модуль таълим шакли учун кириш имтиҳонлари санаси ва манзиллари билан танишинг: 

 
1-ҳудуд:  ЖОЙЛАШУВ (https://maps.app.goo.gl/Vmbm88k5b7tJg9WH6) 
29-31 июль кунлари Тошкент шаҳри Чилонзор туманидаги "Шайх Муҳаммад Содиқ Муҳаммад Юсуф" жоме масжиди мажлислар зали;


2-ҳудуд:  ЖОЙЛАШУВ (https://maps.app.goo.gl/4LDn82ij51CtGkzq5)
5-7 август кунлари Наманган вилояти Наманган шаҳридаги "Ҳидоя" ўрта махсус ислом таълим муассасаси;


3-ҳудуд:  ЖОЙЛАШУВ (https://maps.app.goo.gl/E5fnbp9h4M34JbMV9)
11 август куни Қашқадарё вилояти Қарши шаҳридаги Олимпия ва паралимпия спорт турларига тайёрлаш маркази;


4-ҳудуд:  ЖОЙЛАШУВ (https://maps.app.goo.gl/NwTKBd1QPhnj66sG9)
13 август куни Бухоро вилояти Бухоро шаҳридаги Мир Араб олий мадрасаси;


5-ҳудуд:  ЖОЙЛАШУВ (https://maps.app.goo.gl/sLRA2EXo4rfrHhNPA)

15 август куни Қорақалпоғистон Республикаси Нукус шаҳридаги "Муҳаммад ибн Аҳмад ал-Беруний" ўрта махсус ислом таълим муассасаси.


Имтиҳон саналари ҳудудлардаги абитуриентлар сонидан келиб чиққан ҳолда белгиланган.


Маълумот ўрнида абитуриентлар ўзининг имтиҳон рухсатномасида кўрсатилган ҳудуддагина имтиҳон топшириши мумкин. Бошқа ҳудудларда қабул қилинмайди. Шу боис улардан ўзлари танлаган ҳудудда бўлишлари талаб этилади.  


Ҳурматли абитуриентлар! Қабул имтиҳонлари тўғрисидаги ишончли маълумотларни Ўзбекистон мусулмонлари идораси ва диний таълим муассасаларнинг расмий саҳифаларида кузатиб боринг. 


Имтиҳон рухсатномасини олиш тартиби бўйича қўшимча маълумот берилади. 


2025-2026 ўқув йили қабул жараёнлари ҳақидаги сўнгги янгиликларни @qabulmuslimuz (https://t.me/qabulmuslimuz) телеграм саҳифасида кузатиб боринг. 

Ўзбекистон мусулмонлари идораси
 Матбуот хизмати

Ўзбекистон янгиликлари