Илмсиз диндан сўзламасин!
Афсуски, ҳозирги кунда ҳамма ўзини дин олимидек тутиб, ҳар қандай билган-билмаган масалаларида хоҳлаган жавобини беряпти, ўзини мужтаҳид олим деб ўйламоқда. Аслида ҳам шундайми?!
Аллоҳ таоло Қуръони каримда бундай марҳамат қилади: “Албатта, шайтон сизга душмандир. Бас, уни душман тутинг…”. (Фотир сураси, 6-оят).
Шудай экан, шайтонга бизни тўғри йўлдан оздириши учун имкон бермаслигимиз керак. Чунки шайтон дин илмидан чуқур хабардор бўлмаган кимсаларни, Аллоҳ таолонинг сифатлари ва бошқа турли ақли етмайдиган масалаларни гапиришга ундайди. Натижада инсон асл дин қандай экани борасида шубҳалар оғушида қолади. Бу ҳам етмагандай, ушбу қилаётган ишини маърифат йўли деб ўйлайди ва шу эътиқоди туфайли бидъатчи ёки имондан чиқиб қолиши ҳам мумкин! Аллоҳ сақласин.
Оиша розияллоҳу анҳодан ривоят қилинади. Расулуллоҳ соллаллоҳу алайҳи васаллам айтдилар: “Албатта, шайтон сизларнинг бирингизга келиб, сени ким яратган? - дейди. Сиз эса: Аллоҳ таоло,-дейсиз. Шайтон: унда Аллоҳни ким яратди? - дейди. Агар бирортангизда шундай бўлса, “Аллоҳ ва расулига имон келтирдим” десин, шунда манашу нарса ундан кетади”.
Ушбу ҳадис шарифда: Расулуллоҳ соллаллоҳу алайҳи васаллам уламоларни эмас, авом халқни назарда тутиб, ким шу васвасага дуч келса, уни тўғрилашга уриниб, баҳс юритишига буюрмадилар. Балки, “Ааманту биллаҳи ва расулиҳи” яъни: Аллоҳ ва унунг расулига имон келтирдим деб, тезда ушбу васвасадан халос бўлишга буюрдилар.
Авом халқнинг зиммасига, имон келтириш, ўзини Аллоҳга таслим этиш, ибодат ва яшашлари учун зарур ишлари билан шуғулланиши ҳамда илмий ишларни уламоларга қўйиб бериши вожибдир. Бир илмсиз одамнинг, зино ва ўғирлик қилишидаги гуноҳи, илмни пухта ўзлаштирмасдан дин борасида гапиришидаги гуноҳидан енгилроқдир. Ўзи билмаган ҳолда куфрга кетиши ҳам мумкин. Шайтон эса, шунинг учун мана шу йўлни ўзига кириш эшиги қилиб олган.
Илмнинг энг афзали “илми ҳол” дейилади. Яъни ҳар кимса, ўзи турган ўрнидаги илмни пухта билиши лозим. Масалан: ким савдогар бўлса, савдо илмини, дурадгор бўлса, дурадгорлик масалаларини билиши вожибдир. Ҳамма шунга амал қилиб, барча ишни ўз мутахассисига топширса, ана шунда улкан натижаларга эришиш мумкин. Доно халқимизда бир ҳикмат бор: “Чумчуқ сўйса ҳам, қассоб сўйсин” деган. Бу ҳикматлар бежиз айтилмаганини юқорида билиб олдик.
Аллоҳ таоло барчамизни динида собитқадам қилсин.
Муҳаммад Юнус Муҳаммад Мусо ўғли,
Мир Араб Олий мадрасаси талабаси
Тошкентда тарих ва замонавий санъат уйғунлашган янги маданий макон очилмоқда
Жорий йил 6 сентябрь куни пойтахтимизда Тошкент замонавий санъат маркази — CCA Tashkent ўз эшикларини очади. Бу шунчаки янги музей ёки кўргазма зали эмас, балки бир асрдан зиёд тарихга эга иншоотга янги ҳаёт бағишланган йирик маданий лойиҳадир.
Маълумот ўрнида: 1912 йилда меъмор Вилгелм Гейнзелман лойиҳаси асосида барпо этилган бино дастлаб трамвай депоси, кейинчалик дизель электр станцияси сифатида фойдаланилган. Бугун эса унинг тарихий қиёфаси ва индустриал руҳини сақлаган ҳолда, замонавий санъат, таълим, тадқиқот ва маданий мулоқот марказига айлантирилди.
Давлатимиз раҳбари ташаббуси билан амалга оширилаётган ушбу лойиҳа тарихий меросни асраб-авайлаш ва унга замонавий мазмун беришнинг ёрқин намунасидир.
Франциянинг машҳур Studio KO бюроси томонидан ишлаб чиқилган архитектура концепцияси тарихий мерос ва замонавий инфратузилмани уйғунлаштирган. Марказда кўргазма заллари, таълим ва жамоат майдонлари, кутубхона ҳамда тадқиқот инфратузилмаси фаолият юритади.
Энг муҳими — бу ерда нафақат тарих сақлаб қолинди, балки унга янги мазмун берилди. Илгари энергия ишлаб чиқарилган маконда бугун ижод, янги ғоялар, санъат ва инсонлар мулоқотининг янги энергияси юзага келади.
CCA Tashkent нафақат Тошкентнинг, балки Марказий Осиёнинг янги маданий жозиба нуқталаридан бирига айланиши кутилмоқда.
Бу ерда замонавий санъат билан бир қаторда маърузалар, кинонамойишлар, тадқиқотлар, мунозаралар, концертлар, перформанслар ва турли маданий-таълим тадбирлари ўтказилади.
