Жанубий Корея армиясида вегетарианлар ва мусулмон ҳарбий хизматга чақирилувчилар учун 2021 йилдан гўштни истисно қилувчи махсус ишлаб чиқилган парҳез жорий этилади, дея хабар бермоқда 27 декабрь куни YonHap News ахборот агентлиги Мудофаа вазирлиги маълумотларига таяниб.
Вазирликка кўра, 2021 йилнинг февралидан бошлаб бўлажак хизматга чақирилувчилардан вегетарианларми ёки йўқми тиббий кўрикдан ўтаётганда қайд этиш сўралади. Шаклда тўлдириш учун корейс ва инглиз тилида "вегетариан" сифатида белгиланган икки устун мавжуд бўлади. Islam.ru маълумотларига кўра, бундай шахсий маълумотлар чақирилувчилар хизмат қиладиган бўлинмага юборилади. Бу вегетариан ва мусулмон аскарлар учун тизимли парҳез дастурини таъминлайди.
"Келаси йили вегетариан ва мусулмон аскарлар сонини аниқлагач, тайёрланган менюларни ишлаб чиқамиз", - дейди ҳарбий муассаса вакили.
Ўзбекистон мусулмонлари идораси матбуот хизмати
Китоб ҳадя қилиш – илм тарқатиш ва хайрли амалларнинг энг гўзал намунасидир.
Тошкент ислом институти Ахборот-ресурс маркази фонди янги ноёб асарлар билан бойиди.
“Ҳадис ва ислом тарихи фанлари” кафедраси устозлари томонидан Абдулмажид Жузжонийнинг “Ал-Важиз фи усулил ҳадис индал фуқоҳоил усулиййин вал муҳаддисин” асаридан 50 дона ҳадя қилинди.
Ушбу китоблар талабаларнинг билимларини мустаҳкамлаш ва илмий савияларини оширишда муҳим ўрин тутади. Чунки асар Усулул ҳадис илмини ўрганишда бебаҳо манба ҳисобланади.
Ўзбекистон мусулмонлари идораси
Матбуот хизмати